Robert Rauschenberg: Gluts
Chrome Castle Glut (Neapolitan), 1987
Mercury Zero Summer Glut, 1987
Iruzkinak
Cathedral Late Summer Glut, 1987
- Izenburua:
- Cathedral Late Summer Glut, 1987
- Erakusketa:
- Robert Rauschenberg: Gluts
- Gaiak:
- Sorkuntza artistikoa | Materiala
- Artelan motak:
- Eskultura
- Aipatutako artistak:
- Rauschenberg, Robert
Burdin korrugatuz eta filmak gordetzeko latorrizko kaxez itxuratua, kolore bakarreko Glut honek aingeru hegalaria dirudi ia. Filmak gordetzeko kaxek arrosa-leihoak ekartzen dituzte gogora, eta zaborretik Katedral bat altxatzen da. Eskultura honen gainazalaren bihurguneak gonbite bat dira. Gonbidatuta zaude imajinatzera, kaxek inoiz bildu zituzten filmak eta horiei bizia emateko behar den argi-izpia (zeluloide-filma katedral-leihotik isurtzen den eguzkia bailitzan zeharkatuz) gogora ekartzera.
Zineman, abiadurak eta argiak, proiektagailutik doan filmaren abiadurak eta proiektorearen argiak alegia, ematen diete bizitza irudi estatikoei. Katedral batean, ideia ez fisikoei forma fisiko bat ematen zaie arkitekturari, sabai altuei eta dekorazioari esker eta leihoetan barrena datorren argiak zerutiarra dirudi.
Hegan egitea Rauschenberg-en lanean maiz agertzen den ideia da; hala ere, materialak eta horien jatorria lurrera oso lotuta izan arren, beti izan zuen ihes-modu edo arakatze-zentzu batekiko lilura bat. Eskailerak eta leiho irekiak gai horren inguruko beste erreferentzia batzuk ziren. Rosetta Brooks arte-arduradunak honela deskribatu zituen Gluts saileko lanak:
“Hegan egitea grabitatea galtzea da, flotatzea, eta munduan zein mundutik askatzea”.