Robert Rauschenberg: Gluts

Iruzkinak

Intersection Glut, 1987

“Elkar jo duten seinaleek bezala, auto-istripuen zehaztasun latza dute”.

Hori izan zen Rosetta Brooks arte-arduradunak Gluts saileko lanei buruz egin emandako deskribapena. Eta interesgarria da eskultura hauek istriputzat hartzea. Izan ere, petrolio-merkatuko glut-a (edo soberakina) teknologia-garapenaren eta boom ekonomikoaren ustekabeko ondorio bat izan zen; Rauschenberg-ek landu zuen baztertutako metala, berriz, atzeraldiaren ustekabeko ondorio bat. Paul Virilio teorialariak adierazi zuen bezala, autoa asmatzearekin batera etorri zen auto-istripua ere; hegazkina asmatzearekin batera, berriz, hegazkin-istripua. Ez dago bat bestea gabe.

Intersection Glut lanak errepide-seinale ezagunak biltzen ditu hain ezagunak ez diren metalezko beste osagaiekin batera. Gezi batek gorantz eta eskuinerantz seinalatzen du, eta ikusleari hartu beharreko norabidea ematen dio; botoi bat sakatzean, berriz, lanak bozina-hots bat ateratzen du (oso ozen!!, kontuz gero mesedez!!); bada, seinale horiek inoiz zuzenduko zuten bidegurutzeko trafikoari egiten diote aipamen zuzenean.

Hala ere, egun seinaleak ez dira gai guri bidea erakusteko; haien arrasto bakarra metal gaineko pintura altxatua eta koloreak dira —stop gorri distiratsua orain higatua eta arrosa kolorekoa—. Brooksek azaldu duenez:

“Euren eginkizunez erantzitako objektuak euren buruaren irudi bihurtzen dira”.

Erakusketa honetako lan guztiek dute eskultura osatzen duten elementu erreal eta abstraktuen arteko tentsio hori.