Robert Rauschenberg: Gluts
Intersection Glut, 1987
Iruzkinak
Greek Toy Glut (Neapolitan), 1987
- Izenburua:
- Greek Toy Glut (Neapolitan), 1987
- Erakusketa:
- Robert Rauschenberg: Gluts
- Gaiak:
- Sorkuntza artistikoa | Materiala | Mugimendua | Eszenografia | Balleta | Trisha Brown | Gogoeta
- Artelan motak:
- Eskultura
- Aipatutako artistak:
- Rauschenberg, Robert
“Dantzariak Rauschenberg-en Gluts-en artetik mugitzen ziren: batzuk kableetatik zintzilik ziren, gora eta behera arrain saltariak balira bezala kulunka”.
Mimi Thompson margolariaren eta idazlearen deskribapena zen hori eskultura hau osagaitzat zuen dekoratuari buruz. Dekoratu hori Trisha Brownen 1986–87ko Napoliko Alboko paseari zegokion. Azken unean egin zenez, dantzariek ez zuten astirik izan eskulturekin saioak egiteko. Zintzilik zeuden, eta dantzariak beren bidea aurkitu behar zuten horien artetik: ertz zorrotzek abiadura bizian mugitzen ziren dantzarien azala urratzen zuten.
Greek Toy Glut honek beste lanek baino banakako osagai gehiago elkartzen ditu. Kolore distiratsuko metal-piezek Troiaren inbasioaren zirriborro bat eratzen dute eta, bertan, kaliza bat eta Troiako zaldi txiki bat bereiz ditzakegu grezierazko ‘X’ sinboloarekin batera. Jostailu baten benetako zati bat ere du gehituta, eta Rauschenbergek elementu horiek elkarrekin lotu zituen lanaren izenean.
Esaten denez, Rauschenbergek ez ditu bere objektuak menderatzen; aldiz, zerbait berri bihurtzeko askatasuna ematen die, eta hori Glut saileko lan guztietan gertatzen da. Berak ez du objektuen itxura aldatzen: diren bezala aurkezten ditu. Guk horiek ikusteko modua aldatzen du, banakako zatiak elkarri lotuz eta ondoren horiek alboratuz. Metalezko hondakinez egindako eskultura hauen aurrean, amesteko adorea dugu. Amets egiten dugu. Eta, orduan, lehengora gatoz berriz. Aretoa uzten dugunean, ametsak iraun egingo du ziur aski, edo piztu egingo zaigu berriz normalean arretarik eragiten ez diguten bildu gabeko zaborrak edo seinaleak ikusita. Prozesuan, gure begiak aukera berrietara irekitzen dira, nola areto barruan hala kanpoan. Hori izan zen Rauschenbergen lorpen handienetako bat: bizi garen munduan guztia begi berriekin ikustea.