Lucio Fontana. Atarian
Done Jurgi (1935)
Iruzkinak
Sarrera
- Izenburua:
- Sarrera
- Erakusketa:
- Lucio Fontana. Atarian
- Gaiak:
- Artea eta espazioa | Artea eta pertzepzioa | Artea eta teknologia | Ibilbide artistikoa | Esperimentazio artistikoa | Argia | Kolorea | Materiala | Bigarren Mundu Gerra | Gerra Hotza | Lehen Mundu Gerra | Natura | Ikerketa aeroespaziala
- Mugimendu artistikoak:
- Arte Garaikidea
- Artelan motak:
- Eskultura | Instalazioa | Pintura
- Aipatutako artistak:
- Fontana, Lucio
Guggheheim Bilbao Museoaren izenean, ongi etorri Lucio Fontana. Atarian izeneko erakusketara. Erakusketa honetan, jatorri italiar nahiz argentinarreko artista horren ia lau hamarkadako lan-ibilbidean barnetatuko gara. Fontanak askotariko materialak, teknikak, lengoaiak eta diziplinak erabili zituen bere lanean, etenik gabe esploratzen jardutearen ondorioz. Bere lan gogoangarrienen artean daude, besteak beste: zeramikazko, igeltsuzko edo terrakotazko eskulturak, naturaren elementuak irudikatzen dituztenak; argi eta kolorez betetako arkitektura-giroak; neoi-hodiz egindako instalazioak, eta zuloak eta ebakidurak dituzten mihise ospetsuak.
Lucio Fontanaren ibilbidean, ikerketa teknikoa eta formala bilaketa bat da, gauza guztien gainetik, eta jakin-min etengabe bat ematen du aditzera: gizakiaren presentzia denboran eta espazioan. Aitzitik, helduaroan egindako obretan, ia ez zuen pertsonarik irudikatu. Gu sormen-prozesuan barneratzeko, Fontanak ikuslearen esperientziarekin parekatzen ditu bere lanak. Hala, harago behatzeko koordenatuak ematen dizkigu: artistak ataria zehazten du, eta bertan kokatzeko eta hura zeharkatzeko gonbita luzatzen digu, adimenarekin batez ere, begiradarekin edo gorputzarekin baino gehiago.
Egonezin hori artistaren garaiko ziurgabetasunarekiko paraleloa da: XX. mendea zorabiagarria izan zen: bi mundu gerrak izan ziren nagusi, totalitarismoen goren aldia izan zen, gizarte-krisi basatiak bizi izan ziren, ekonomia-ereduek talka egin zuten, eta jendeak zientziaren eta teknologiaren garapenean zuen itxaropen apur bat. Espazioko lasterketak gizakia berriz kokatu zuen: izan ere, jada ez zen gauza guztien erdigunean kokatzen; unibertsoan huskeria bat zela ohartu zen.
Arte-sormenaren bidez infinituari behatzea izan zen Lucio Fontanaren lanaren ezaugarri bereizgarrietako bat, eta bere garaiko artea garatzen hasteko aukera abiatu zuen.