Paul Pfeiffer: Askatasunaren sorrerari buruzko kondairaren hitzaurrea
Askatasunaren sorrerari buruzko kondairaren hitzaurrea (Prologue to the Story of the Birth of Freedom), 2000
Iruzkinak
Sarrera
- Izenburua:
- Sarrera
- Erakusketa:
- Paul Pfeiffer: Askatasunaren sorrerari buruzko kondairaren hitzaurrea
- Gaiak:
- Artistak | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Lan-prozesua | Soinua | AEB | Filipinak | Teknika eta materialak
- Mugimendu artistikoak:
- Arte Garaikidea
- Aipatutako artistak:
- Pfeiffer, Paul
Ongi etorri Paul Pfeiffer artista berritzaileari eskainitako erakusketa honetara. Los Angeleseko Museum of Modern Art-ek antolatua da Guggenheim Bilbao Museoarekin lankidetzan, eta BBK du babesle.
Paul Pfeiffer Hawaiin jaio zen 1966an, baina Filipinetan eman zuen nerabezaroa. 1990ean New Yorkera joan zen bizitzera. Hunter Collegen ikasi zuen, eta Whitney Independent Study Program izeneko egonaldi artistiko eta akademikoen programan parte hartu zuen.
Sari eta beka ugari jaso ditu, eta berak eskuratu zuen lehenbizikoz New Yorkeko Whitney Museum of American Art museoak emaniko Bucksbaum saria.
Pfeifferrek lan iraultzaileak egiten ditu eskultura, bideoa eta argazkia baliatuz. Haien bidez, ikuskizuna, pertenentzia eta identitatea aztertzen ditu, beste gai batzuen artean.
Lehendik ere existitzen diren film- eta bideo-zatiei teknologia digitala aplikatuz, Pfeifferrek aztergai hartzen du zer eginkizun duten gizarteak eta komunikabideek gure kontzientzia moldekatzeko garaian, ospearen kulturarekiko daukagun obsesioan eta geure buruarekiko harremanean.
“Artea sortzeko orduan, jatorrizko lehengai beraren partetzat hartzen ditut irudia eta soinua. Jakina, badira alde teknikoak haien artean, baina, nire pentsatzeko eta lan egiteko moduaren arabera, ez dira antzekoak bakarrik, gauza bera dira, neurri handi batean”.
“Nolabait ere, esango nuke behatzailearen ikuspegia dela moldekatu beharreko benetako materia. Irudiek eta soinuek zentzua baldin badute arrazoi bakarrarengatik da: jendeak lehendik ere buruan daukanarekin bat datozela, alegia”.
Lan batzuk murgiltzaileak dira, eta, beraz, garrantzitsua da soinua entzutea haien efektua erabat hautemateko. Hori dela eta, honakoa gomendatzen dizugu: lehenik eta behin, bizi ezazu artelanak proposatzen duen esperientzia, bereziki Santuak, Gorria Berdea Urdina eta Neverlandetik zuzen-zuzenean izeneko eskala handiko murgiltze-piezen kasuan.
Gomendioak Paul Pfeifferren beraren nahiei erantzuten die, izan ere, berarentzat garrantzitsua da artelana esperimentatzea hari buruzko inolako informaziorik edo interpretaziorik eskuratu aurretik.