Paul Pfeiffer: Askatasunaren sorrerari buruzko kondairaren hitzaurrea
Kontaketa luzea (Burrunba oihanean; Neuk astindu nuen mundua; Suspensea Manilan) [The Long Count (Rumble in the Jungle; I Shook up the World; Thrilla in Manilla)], 2000–01
Autorretratua iturri gisa (Self-Portrait as a Fountain), 2000
Iruzkinak
Apokalipsiaren lau zaldunak (Four Horsemen of the Apocalypse), 2000–abian
- Izenburua:
- Apokalipsiaren lau zaldunak (Four Horsemen of the Apocalypse), 2000–abian
- Erakusketa:
- Paul Pfeiffer: Askatasunaren sorrerari buruzko kondairaren hitzaurrea
- Gaiak:
- Ikuskizunak | Gizakia | Artea eta erlijioa | Artea eta kirola | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Konposizioa | Lan-prozesua | Gizarte-kronika | Emozioa | Pertzepzioa | Teknika eta materialak
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- Pfeiffer, Paul
Apokalipsiaren lau zaldunak du izena oraindik ere abian den argazki-sail honek. Bertan, publikoak kirol-ekitaldietan izan ohi duen inplikazio fisiko eta emozionalak pizten dion lilura aztertzen du Pfeifferrek. Saileko obrekin, artistak jorratzen du kirol-izarrek nola lortzen ote duten ikusleen arreta bereganatzea... eta txunditurik mantentzea.
Zortzi pieza hauek saskibaloi-jokalari profesionalen irudi ikusgarri bezain artegagarriak erakusten dituzte. Lanetako bakoitzean, Pfeifferrek zehazkiro ezabatu du gertatzen ari denari buruzko edozein aztarna.
Kendu egin ditu beste jokalari guztiak. Kantxako lerroak desagertu egin dira. Ez dago baloiaren arrastorik. Jokalari bat baino ez da geratzen, eserita, zutik edo saltoka, ohiko testuinguruaz gabeturik.
Figura sublimatuotako bakoitzak martiri erlijioso baten tankera du. Haien atzetik, ikusleak ageri zaizkigu, jokalariei begira-begira, arretaz, are debozioz. Jokalari ikoniko horiek kategoria jainkotiarrera eramaten ditu, eta, halere, anonimo izaten jarraitzen dute. Horren bidez, kirol-fanatismoaren eta heroiak gurtzearen arteko paralelismoak aztertzen ditu Pfeifferrek.
Konturarazten digu irudiak bitarteko teknikoen bidez tratatu dituela, eta gero are gehiago tratatu dituela. Hala, gure begirada birbideratzen du, eta gertatzen ari denaz dugun pertzepzioa birdefinitzen du.
“(...) Apokalipsiaren lau zaldunak obrak artearen historiari egiten dio erreferentzia, Alberto Dureroren xilografietara eramaten baikaitu. Durero, nolabait ere, berritzaile petoa izan zen figuraren irudikapenari dagokionez, eta, naturalista ere izan zen, zientzialari moduko bat. Eta, era berean, erreferentzia bibliko bat ere bada, Armagedon edo munduaren amaiera iristen denean Apokalipsiaren lau zaldunak agertuko baitira...”.