Paul Pfeiffer: Askatasunaren sorrerari buruzko kondairaren hitzaurrea
Gorria Berdea Urdina (Red Green Blue), 2022
Iruzkinak
Inperioa (Empire), 2004
- Izenburua:
- Inperioa (Empire), 2004
- Erakusketa:
- Paul Pfeiffer: Askatasunaren sorrerari buruzko kondairaren hitzaurrea
- Gaiak:
- Artea eta gizartea | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Denbora | Konposizioa | Lan-prozesua | Sinbologia | Natura | AEB | Andy Warhol | Pertzepzioa | Teknika eta materialak
- Mugimendu artistikoak:
- Arte Garaikidea
- Artelan motak:
- Bideoinstalazioa
- Aipatutako artistak:
- Pfeiffer, Paul
Liztor erregina batek habia nola egiten duen deskribatzen du Inperioa lanak. Egur-zuntza bere listuarekin nahasiz, paper-orea eratzen du, eta moldekatu egiten du zurtoin bat sortu arte. Ondoren, etxe baten hegal fresko eta babestuan finkatzen du. Habia hazi egiten da, eta liztor erreginak lehen arrautzak jartzen ditu. Eklosionatzen dutenean, liztor langileak jaiotzen dira, eta berehala ekiten diote eraikuntza-prozesuari. Azkenik, erreginak behar adina langile sortzen dituenean, erretiratu egiten da lanaldi osoan ugalketara dedikatzeko.
Pfeifferrek bideokamera bat instalatu zuen: liztor erregina bat bere habia eraikitzen eta liztor-kolonia garatzen harrapatu nahi zuen udako hiru hilabeteetan.
Tituluak Inperioa izeneko beste obra bat omentzen du: Andy Warholek Empire State eraikinari buruz egindako zortzi orduko film ospetsua, alegia.
“Warholek Empire State Building eraikinari egindako irudiek objektu harrigarria eskaintzen digute benetan ukiezinak diren gauzak ikusteko, hala nola gizakiaren nahiak, anbizioa edo denboraren joana. Kasu hartan bezalaxe, liztor-habiak ere xarma bisuala eskaintzen digu intsektuen portaera ikustera erakartzeko; gonbidapen bat da, liztorren habien eraikuntzari buruzko kontakizun antropomorfiko bat proiektatzeko. Nolabait ere, ikusle gisa dugun pertzepzio-portaera aztertzeko amarru bat da habia”.
Pfeifferrek liztorren jarduna grabatzeko baliatu zituen hiru hilabeteek baliteke gogoraraztea, orobat, zaintza-kameren etengabeko begiradapean bizi garen mundu honetan, beti ari garela behatzen... eta beti behatzen gaituztela.