Budapesteko paper gaineko maisulanak
Hastapenak: XV. mendeko marrazkiak eta estanpak
Paisaia autonomoaren sorrera
Atalak
Dürerren mendea
- Izenburua:
- Dürerren mendea
- Erakusketa:
- Budapesteko paper gaineko maisulanak
- Gaiak:
- Arte italiarra | Artearen historia | Artistak | Eragin artistikoa | Ibilbide artistikoa | Esperimentazio artistikoa | Lan-prozesua | Marrazkigintza | Erreforma protestantea | Europa | Alemania | Teknika eta materialak
- Mugimendu artistikoak:
- Errenazimentua
- Teknikak:
- Grabatua | Marrazkia
- Aipatutako artistak:
- Durero, Alberto
XVI. mendeko alemaniar artistarik handiena Albrecht Dürer izan zen, zalantzarik gabe, eta haren eragina erabakigarria eta iraunkorra izan zen, ez bakarrik Alemanian, baita Europa osoan ere. Zubi-lana egin zuela esan liteke, garrantzi handiko zeregina bete baitzuen Italiako Errenazimentuak arteetara eta artearen teoriara ekarritako berrikuntzak Alpeez iparraldeko eskualdeetarantz hedatzen. Pinturan ez ezik, Dürerrek lan oparoa egin zuen marrazkilari gisa ere; inoiz izan den artista grafiko bikainenetako bat izan zen, eta grabatu-teknika guztietan egin zituen berrikuntzak.
Errenazimentuko zenbait alemaniar artista handi Dürer bezain polifazetikoak izan ziren, baina hark baino eragin txikiagoa izan zuten. Dürerren ikasle gailenak, Hans Baldung Grienek, maisuaren eragin nabarmena izanda ere, adierazkortasun handiko estilo propioa garatu zuen. Dürerren beste garaikideetako bat, Lucas Cranach Zaharra, Saxoniako artista nabarmena izan zen, Martin Luterori eta Erreforma Protestante hasiberriari estu-estu lotua.
Dürerren lanarekiko mirespena ez zen desagertu artista 1528an hil ondoren ere. Haren lanen eskaera hain zen handia, ezen kopia bidez baino ezin izan baitzioten erantzun. Hala ere, XVI. mende bukaerako Dürerren kopistek —Hans Hoffmann nabarmendu zen haien artean— normalean ez zituzten kopia zehatzak egiten, jatorrizkoen egokitzapen irudimentsuak baizik.