Nam June Paik-en munduak
Sarrera
Ohitura orokorra
Iruzkinak
Telebisten lorategia
- Izenburua:
- Telebisten lorategia
- Erakusketa:
- Nam June Paik-en munduak
- Gaiak:
- Artea eta teknologia | Sorkuntza artistikoa | Ingurunea eta natura | Telebistak | Marshall McLuhan | Elektronika
- Artelan motak:
- Bideoartea | Ikus-entzunezkoa | Instalazioa
- Aipatutako artistak:
- June Paik, Nam
Telebisten lorategia 1974koa da. Obra honetan, Paik-ek bideo-gozamenen lorategi bat sortu du. Bertan bideoek distira egiten dute paisaje batean agertzen diren lore exotikoen antzera, hostotza ilunaren erdian. Ikuspegi honek Marshall McLuhan-en ideia gogora ekarriko digu beharbada, ikus-entzunezko baliabideen hedapen organikoak bateratutako herri global baten ideia, alegia. Proposamen honetan elektronikaren eta naturaren arteko bereizketa argia antzematen da. Hala ere, Paikek bereizketa hori desegiten du, landareen lorontziak eta bideo-seinaleak gizakiak sortutako produktu artifizialak direlako. Telebisten lorategia instalazio erakargarria eta dotorea da, Paikek gehien atsegin duen obra izateaz gain.
Telebisten lorategia obra osatzen duten monitoreek Paiken bideo-zinta enblematikoenetako bat emititzen dute: Ohitura orokorra izenekoa. Zinta hau 1974an aurkeztu zen eta funtsean Paikek irrati-telebistako difusioan telebistak eta bideoak izan beharko luketen paperari buruz duen ikuspegia definitzen du. Zintan, Paikek berak sortutako irudi sintetizatuak telebista komertzialaren programazioarekin eta zinemagile independenteen obra batzuekin nahasten dira.