Nam June Paik-en munduak
Modulazioa sinkronoan
Bideo-kamera eramangarria
Iruzkinak
Ilargia TB zaharrena da
- Izenburua:
- Ilargia TB zaharrena da
- Erakusketa:
- Nam June Paik-en munduak
- Gaiak:
- Artea eta denbora | Artea eta teknologia | Sorkuntza artistikoa | Argia | Forma | Ilargia | Bideokamerak | Telebistak
- Artelan motak:
- Ikus-entzunezkoa | Instalazioa
- Aipatutako artistak:
- June Paik, Nam
Ilargia TB zaharrena da obran, Paik-ek denboraren errepresentazioa ikertzen du. Instalazio honetan aurkezten diren irudiek argi biribilduen antzeko formak hartzen dituzte, Paikek manipulatutako monitoreen ilara luze baten bidez. Monitore horietako bakoitzak ilargiaren fase bat irudikatzen du. Obra hau TB erlojuarekin konpara daiteke, Paikek sortutako beste instalazio bat, erakusketa honetan ere ikusi ahal izango duguna. TB erlojua ere monitoreen segida luze batez osatua dago eta monitore horietan argi-zerrenda estu bat agertzen da pantaila horizontalki moztuz. Monitore batetik bestera zerrenda honen posizioa zertxobait aldatzen da, bere ardatzaren inguruan bira eginez erlojuaren orratzen norantzan. Monitore guztien irudiak estatikoak izan arren, Ilargia TB zaharrena da obran bezala, instalazio guztiak denboraren iragaitea ematen digu aditzera.
Ilargia TB zaharrena da 1965ekoa da, Paikentzat une garrantzitsua izanik urte hartan bertan merkaturatu baitzuen Sony-k bere bideo-kamera eramangarri berria, erreprodukzio‑monitore bat zuen lehena. Aurrerapauso teknologiko horrek eragin handia izan zuen Paikek ikus-entzunezkoei buruz zituen ideietan.