Henri Rousseau
Saint-Louis uhartearen ikuspegia Henri IV.aren kaitik (Vue de l’Île Saint-Louis prise du quai Henri IV), 1909
Junier zaharraren gurdia (La carriole du père Junier), 1908
Iruzkinak
Haurra panpinarekin (L’enfant à la poupée), 1904-5 inguru
- Izenburua:
- Haurra panpinarekin (L’enfant à la poupée), 1904-5 inguru
- Erakusketa:
- Henri Rousseau
- Gaiak:
- Artea eta emozioa | Sorkuntza artistikoa | Bidimentsionaltasuna | Proportzioa | Tamaina | Erretratua eta autorretratua
- Mugimendu artistikoak:
- Arte Figuratiboa
- Artelan motak:
- Pintura
- Aipatutako artistak:
- Rousseau, Henri
Neskatila mardul serio batek zuzenean begiratzen digu mozorro antzeko aurpegiz. Koadroaren izenak erretratu zoragarri bat eman dezake aditzera, baina hemen ikusten dugun haurrak ia ez du aditzera ematen haurtzaroko xalotasunik. Aldiz, irudi arraro, bakarti eta malenkoniatsu bat dugu aurrez aurre, bera bezain zurruna den panpinari heltzen dion neskatoa. Kartoizko txotxongilo erraldoi bat ematen du, atzeko horizonte laurantz hedatzen den lore-alfonbra bati itsatsia dagoena. Bere gorputz-adarrak neurrigabeak dira; aurpegia handiegia du gorputzarekin alderatuz gero, hankak, berriz, era arraroan eteten dira bera eserita bide dagoen belarretik behera. Margolanaren efektua beldurgarria da. Errealitatetzat jotzen duguna auzitan jartzen bide duen arren, haurren munduaren funtsa erakusten du.
Beharbada Rousseauk haurrak nola ikusten zituen bere esperientziaren eragina zeukan. Bere lehenengo ezkontzako lau ume gazterik hil ziren eta alaba Julia-k bakarrik iraun zuen helduarora arte.