Henri Rousseau
Haurra panpinarekin (L’enfant à la poupée), 1904-5 inguru
Laukote zoriontsua (Heureux quatuor), 1901–02
Iruzkinak
Junier zaharraren gurdia (La carriole du père Junier), 1908
- Izenburua:
- Junier zaharraren gurdia (La carriole du père Junier), 1908
- Erakusketa:
- Henri Rousseau
- Gaiak:
- Sorkuntza artistikoa | Lan-prozesua | Proportzioa | Tamaina | Erretratua eta autorretratua | Eszena-generoa
- Mugimendu artistikoak:
- Arte Figuratiboa
- Artelan motak:
- Pintura
- Aipatutako artistak:
- Rousseau, Henri
Claude Junier Montparnasse auzoko barazki-saltzailea zen, Henri Rousseau bizi zen auzokoa. Hemen Junier eta bere familia ikus ditzakegu, igandeko txango baterako arropa finenak jantzita haien zaldiak tiratako gurdian. Rosa behor zuria barazki-saltzailearen harrotasuna eta poza zen. Junierren aldamenean kapelua jantzita eseria dagoen pertsona bere adiskide Henri Rousseau da.
Talde-erretratu honetan mugimendu-ezak eta irudiak aurrera begira agertzeak argazki batean hartutako une izoztua iradokitzen dute. Rousseauk eszena hau marrazteko baliatu zituen zuri-beltzezko argazkiak gorde dira. Hala ere, ez zuen argazki-irudirik zuzenean transferitu bere mihisera. Aldiz, berritxuratu egiten zituen bere irudimeneko errealitatea mamitzeko. Max Weber estatubatuar artistak gurdi azpiko txakurra zergatik zen neurriz kanpo handia galdetu zionean, Rousseauk honela erantzun zuen: “Hala behar duelako”. Txakurrak lurrera “ainguratzen” du gurdia. Rousseauk argazkietako beste elementu batzuk aldatu zituen eta beste batzuk ez zituen erabili. Pertsona bat gehitu zuen Junierren atzeko tartea betetzeko. Zaldiaren buruaren atzeko zuhaitz bat kendu zuen pinturaren ardatzaren adierazle-lana egiten duen ezkerreko zuhaitza nabarmentzeko. Gurdiaren gurpil gorri zabalek errealistak dirudite pinturako beste plano lauen eta irudien aldean, horiek elkarren gainean paper-ebakinak balira belaza, collage baten moduan, jarri baitira. Gurdiak ez luke bost pertsona eta txakur bat hartzeko behar bezain sendoa emango gurpilen eta haien artean dagoen txakurraren mardultasunagatik ez balitz. Eszenaren aurrera ateratzen den ezohiko txakur txikiak bete-betean talka egiten du Junierren gurdiaren eskala eta handitasunarekin.