Artea eta espazioa
Eva Hesse: Hainbat artelan
Lawrence Weiner: 36 x 36 hazbeteko estalgarria edo igeltsuzko edo zur ijeztuzko babes-pareta kentzea (A 36" X 36" Removal To The Lathing Or Support Wall Of Plaster Or Wallboard From A Wall, 1968)
Iruzkinak
Lucio Fontana: Kontzeptu espaziala, Itxaronaldiak (1965)
- Izenburua:
- Lucio Fontana: Kontzeptu espaziala, Itxaronaldiak (1965)
- Erakusketa:
- Artea eta espazioa
- Gaiak:
- Artea eta denbora | Artea eta espazioa | Artea eta teknologia | Eragin artistikoa | Sorkuntza artistikoa | Kolorea | Zientzia eta Teknologia | Ikerketa aeroespaziala
- Mugimendu artistikoak:
- Espazialismoa
- Artelan motak:
- Pintura
- Aipatutako artistak:
- Fontana, Lucio
Espazioko lasterketa sasoi bete-betean zela, batez ere Yuri Gagarin astronautaren 1961eko balentriaren ondoren, eta 1969an gizakia ilargira iritsi bitartean, Lucio Fontana artistak liluraz begiratu zion espazioari arte-baliabide gisa. Antzinako mistikaren eta Erdi Aroko kodizeen testuak ikasi bazituen ere, haren interesa, gehien bat, espazioko nabigazioa, astronomia edota teknologiaren garapena ekarri zituzten zientziaren aurrerapenei eta fisikari buruzko ikerkuntzei lotu zitzaien.
Espazialismoaren manifestu teknikoa idatzian honako hau azaltzen zuen:
“Kolorea, espazioaren osagaia da, soinua, denboraren osagaia, eta mugimendua, berriz, denboran eta espazioan garatzen dena; artegintza berriaren funtsezko formak dira horiek: era horretan jasotzen ditu existentziaren lau dimentsioak”.
Erakusketa honetan dugun lana Kontzeptu espazialak izeneko sail baten parte da. Horretan, Fontanak modu erritmikoan lan egin du kolore bakarrez margotutako mihiseen gainean. Hau baieztatu zuen artistak:
“Nik zulatu egiten dut. Hortik igarotzen da infinitua”.