Artea eta espazioa
Ángela de la Cruz: Mudantza (laranja) (2015)
Damián Ortega: Gauza kosmikoa (2002)
Iruzkinak
Alyson Shotz: Gogoeta-objektua (2017), Grabitate tolesa (2017)
- Izenburua:
- Alyson Shotz: Gogoeta-objektua (2017), Grabitate tolesa (2017)
- Erakusketa:
- Artea eta espazioa
- Gaiak:
- Artea eta espazioa | Artea eta pertzepzioa | Esperimentazio artistikoa | Sorkuntza artistikoa | Argia | Bolumena | Materiala | Zientzia eta Teknologia
- Artelan motak:
- Eskultura
- Aipatutako artistak:
- Shotz, Alyson
Alyson Shotz-en lanek zientziarekiko artista honek duen interesa erakusten dute. Izan ere, Arte Ederretan lizentziatu aurretik, Geologia ikasketak egin zituen, eta urak Lurrean eragiten dituen ondorioetan jarri zuen arreta batez ere.
Margolaritzarekin hasi ondoren, eskultura aukeratu zuen Shotzek, bere ikerkuntza zientifikoan aztergai izan zituen gaien inguruko bilaketan aurrera jarraitzeko. Kezka horien isla poetiko moduan, gizakiak inguruarekin duen harremana aztertzen du artistak bere lanetan, eta pertzepzioa, materia edo espazioa ditu ardatz. Horretarako, material industrialak erabiltzen ditu, plastikoa edo aluminioa esaterako; izan ere, material horiek aukera ematen diote egitura konplexuak sortzeko, fisikaren ikerketak edo patroi matematikoak inspiraziotzat hartuta.
Era horretan egindako lanaren adibide ona daukagu hemen: Gogoeta-objektua lan handia da, aluminiozko zati txiki-txikietatik abiatuta egindakoa. Altzairuzko uztaiez lotuta, osotasun malgu eta mugikorra osatzen dute pieza hauek, eta sarezko kota baten itxura dute. Azalaren distirak eta piezen arteko espazioak argia islatu edo igarotzen uzten dute.
Artistak berak honako hitz hauekin azaltzen zuen lan honen garrantzia:
“Argia eta espazioa bitarteko beregain diren aldetik egiten dudan ikerkuntza bultzatzen du, eta gainera, masa oso gutxirekin bolumen handiko eskulturak sortzeko dudan egitekoari jarraipena ematen dio. Edonola ere, bada ideia berririk bertan: esaterako, oihala edo material ehunduak, metalezko eskulturaren aurrez aurre; bai eta bi horien arteko historia ere”.