Ispilua alderantziz. "La Caixa" Fundazioaren eta MACBAren bildumen artea
Jeff Wall, Ehiza paisaia (A Hunting Scene), 1994
Thomas Struth, Humboldtstrasse, Leipzig, 1991
Iruzkinak
Andreas Gursky, Hong Kong Shanghai Bank, 1994
- Izenburua:
- Andreas Gursky, Hong Kong Shanghai Bank, 1994
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Gizakia | Artea eta ekonomia | Artea eta gizartea | Arkitektura | Sorkuntza artistikoa
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- Gursky, Andreas
Andreas Gursky-k sortutako irudi honek, eskalagatik eta intentsitateagatik, xehetasunetan arreta jartzera bultzatzen gaitu. Irudiko eraikina guztiz bertikala da, baina argitutako leihoen zerrenda horizontalak ditu; zerrendoi distira gorri kobrekara darie. Urrunetik begiratuta, konposizio hori dela eta, irudi ia abstraktua ematen du. Irudiaren itxura abstraktuak aurrean dugun eraikinaren izaera artifiziala nabarmentzea du helburu: estratu zurrunetan antolatuta dago, eta gizatasunik gabeko hierarkia zorrotz bati jarraitzen dio.
Hong Kong ezagutzen dutenek arkitekturaren ikur famatutzat izango dute eraikin hau ziurrenez: Hong Kong Shanghai bankuaren egoitza nagusia da, Norman Foster arkitekto britainiarrak diseinatu zuena. Beste argazkilari askok jaso dute eraikin honen irudia, gizakiak bai finantzetan bai ingeniaritzan egindako lorpenen monumentu goren bat balitz bezala. Gurskyk, ordea, moztu egin du eraikinaren goialdea, ikusleek barrualdeari begira diezaioten: bertan triangelutan jarritako ordenagailu asko daude, eta gorriz jantzita, anonimatuan eta inurrien antzera jo eta ke diharduten langileak. Ilunpean, fatxada famatuaren xehetasun konplexuak hutsaldu egiten dira guztiz.
Diptiko bat da argazki hau. XV. mendeko aldareetan argitutako erretaula batzuk ere diptikoak ziren, baina argazki honetako irudiak ez dira erlijioan inspiratutako erretauletako santuak eta ama birjinak bezalakoak: argazkiko pertsonei kendu egin zaie gizatasuna, eta erregimentu baten parte balira bezala agertzen ditu artistak. Diruaren jainko zekena baina ikusezina da benetako Jainkoa argazkian.