Ispilua alderantziz. "La Caixa" Fundazioaren eta MACBAren bildumen artea
Rineke Dijkstra, Vondelpark, Amsterdam, maiatzak 12 (Vondelpark, Amsterdam, May 12), 2006
Bruce Nauman, Hologramen estudioak (a-e) [Studies for Holograms (a-e)], 1970
Iruzkinak
Gillian Wearing, Autorretratua aita Brian Wearing moduan, 2003
- Izenburua:
- Gillian Wearing, Autorretratua aita Brian Wearing moduan, 2003
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Artea eta identitatea | Sorkuntza artistikoa | Erretratua eta autorretratua | Indibidualismoa
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- Wearing, Gillian
Lehenengo begiratuan, Gillian Wearing-en erretratu honetan ez dago ezer aipagarririk. Gominaz atondutako kopetako ile-sortak noizbait pertsona zertxobait bihurria izan zela aditzera ematen digu, hemen esmokinez eta pajaritaz jantzita ageri arren. 35 urte inguru dituela ematen du.
Nahiz eta ezer apaingarririk ez izan, irudi honek halako urduritasuna pizten badizu, ez da harritzekoa. Artistak esan duenez, haren lana “bizitza editatzea” da, eta, famili dinamiken mundua aztertzen du argazki honetan eta Albuma sailean. Izan ere, ile motza daraman “gizon” hau, masailezur nabaria duena, Gillian Wearing bera da, baina une batez aitaren azalean jarri da.
Baliteke lan honek zalantzan jartzea gaur egun gorentzen den indibidualismoa. Wearingek adierazten digu aitaren antza izateaz gain, haren parte ere badela; era berean, aita Wearingen parte da. Sail bereko beste irudi batzuetan bere ama, osaba, ahizpa eta anaiaren itxura hartzen du artistak, eta alde handia dago mozorrotutako irudi landu horien eta nerabe zenean gaizki argituta argazki-kabina batean bere buruari ateratako argazkien artean. Mozorroak arreta handiz egin zituen, eta horretarako Londresko Madame Tussauds argizarizko irudien museo famatuko adituen laguntza izan zuen. Wearingek honakoa esan zuen behin:
“Interesa pizten zidan genetikoki norbaitekin lotura izan arren oso desberdinak izatea. Haiek guztiek eduki dute nire zerbait”.