Ispilua alderantziz. "La Caixa" Fundazioaren eta MACBAren bildumen artea
Geneviève Cadieux, Entzun nazazu zure begiez (Hear Me with Your Eyes), 1989
Gillian Wearing, Autorretratua aita Brian Wearing moduan, 2003
Iruzkinak
Rineke Dijkstra, Vondelpark, Amsterdam, maiatzak 12 (Vondelpark, Amsterdam, May 12), 2006
- Izenburua:
- Rineke Dijkstra, Vondelpark, Amsterdam, maiatzak 12 (Vondelpark, Amsterdam, May 12), 2006
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Gizakia | Artea eta espazioa | Artea eta emozioa | Eragin artistikoa | Sorkuntza artistikoa | Erretratua eta autorretratua | Sentimenduak
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- Dijkstra, Rineke
Rineke Dijkstra artista holandarra pertsonei ateratako argazkiengatik da ezagun. Euren bizitzan aldaketa sakonen bat izaten ari direnei egiten dizkie argazkiak, eta pertsona horiek mundu osoko espazio publikoetan bilatzen ditu: New Yorkeko Central Park eta Prospect Park, Liverpooleko Sefton Park, Bartzelonako Parc de la Ciutadella, baita Xiameneko Amoy Parke Botanikoan ere, Txinan. Lan hau, zehazki, Amsterdameko Vondelpark-en atera zuen.
Artista garaikide gutxik jarri duten hainbesteko arreta haurtzaroan, igarotze-errituetan eta nerabezaroan (erakusketako lana erakusgai). Mutil hau ibaiertz bare batean dago eserita, landarez inguratuta, eta haren poseak Édouard Manet-en Le Déjeuner sur l’Herbe (“Otordua larrean”) margolan famatuan ageri den emakumezko irudi biluzia gogora ekartzen digu. Izan ere, pintura horren izen bereko jaialdian atera zuen argazki hau Dijkstra-k.
Maneten lan hori 1863an jarri zen lehen aldiz ikusgai, eta, esan daiteke, zalantzan jarri zuela landako paisaietako eszena guztiak idilikotzat jotzen dituen konbentzio artistikoa. Dijkstraren irudiak ez du aukera askorik ematen: mutilaren bizitza ez da idilikoa, edo hori esan nahi digula ematen du. Beste ezer baino, Dijkstra-k nerabe horren benetako izaera hauskorra jaso du argazkian, haurtzaroaren eta helduaroaren arteko une horretan.