Ispilua alderantziz. "La Caixa" Fundazioaren eta MACBAren bildumen artea
Thomas Struth, Humboldtstrasse, Leipzig, 1991
Rineke Dijkstra, Vondelpark, Amsterdam, maiatzak 12 (Vondelpark, Amsterdam, May 12), 2006
Iruzkinak
Geneviève Cadieux, Entzun nazazu zure begiez (Hear Me with Your Eyes), 1989
- Izenburua:
- Geneviève Cadieux, Entzun nazazu zure begiez (Hear Me with Your Eyes), 1989
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Generoa eta sexualitatea | Artea eta pertzepzioa | Artea eta emozioa | Sorkuntza artistikoa | Erretratua eta autorretratua | Dualtasuna
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- Cadieux, Geneviève
Areto honetan, 1970eko hamarkadatik gaur arte egindako erretratu eta autorretratu fotografiko sorta bat dago.
Montrealen jaiotako Geneviève Cadieux artistaren triptikoa argazkiak dira, eta, beraz, ikusmenari zuzentzen zaizkio; baina beste zentzumen batzuei buruz eta, bereziki, entzuteko premiari buruz hitz egiten digu artelanak.
Aurreneko irudia film batetik hartu zuen; 1982an egin zuen, zuri-beltzean, eta bertan haren ahizpa agertzen da. Larruazalaren, lepo biluziaren errepresentazioak eta irudiak begiak itxita dituela hiru laurdeneko planoan aurkezteak estasi sexuala iradokitzen digu. Posea Maria Magdalenaren jarreraren isla izan liteke: Jesusen dizipulu izan zen emakumearena, Caravaggio eta Tiziano pintoreek irudikatu bezala.
Dena den, ez ote da espresio hau plazeraren eta oinazearen nahaste bat? Bigarren irudian, urte batzuk geroago koloretan egindakoan, ahizparen aurpegia oinazetuta balego bezala ageri da, agoniazko une bat da antza. Benetan bi irudi dira, bata bestean gainean jarri ditu Cadieuxek, “estereo bisual” bat osatzeko.
Hirugarren irudian lehengora itzultzen da artista, zuri-beltza erabiltzera. Berriro ere, anbiguoa da ikusten ari garena. Baliteke, aiene, negar eta garrasi itoen sekuentzia atsekabetu bat ikusten aritzea, baina ez dugu entzuteko aukerarik.