Ispilua alderantziz. "La Caixa" Fundazioaren eta MACBAren bildumen artea
Manuel Millares, Homunkulua (Homúnculo), 1960
Jeff Wall, Ehiza paisaia (A Hunting Scene), 1994
Iruzkinak
Antoni Tàpies, Berdeak marroi ilun gainean (Verds damunt marró fosc), 1949
- Izenburua:
- Antoni Tàpies, Berdeak marroi ilun gainean (Verds damunt marró fosc), 1949
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Artea eta politika | Eragin artistikoa | Sorkuntza artistikoa | Sinbologia | Dau Al Set | Espiritualtasuna | Frankismoa | Katalunia | Dualtasuna
- Mugimendu artistikoak:
- Arte Abstraktua | Arte Garaikidea | Dadaismoa | Surrealismoa
- Artelan motak:
- Pintura
- Aipatutako artistak:
- Millares, Manuel | Saura, Antonio | Tàpies, Antoni
Antoni Tàpies-en margolanei halako iluntasun misteriotsua darie. Berdeak marroi ilun gainean lana hasierako urteetan sortu zuen, eta surrealismoaren barnean dago: sinbolo eta ludi misteriotsuez betea da. Haren lanetan mistizismoa, magia eta alkimia dira nagusi. Tàpiesek hauxe esan zuen behin:
“Errealismoaren fanatikoek ez bezala, askotan esan dut errealitatea ez dela inoiz pinturan izan, ikuslearen buruan baizik. Artea ikur bat da, objektu bat, errealitate bat iradokitzen digun zerbait, eta barneraino heltzen zaigu. Ez dago, beraz, niretzat, antagonismorik abstrakzioaren eta figurazioaren artean, baldin eta errealitatearen ideia hori gordetzen duten”.
Euren ibilbide luzean, Tàpiesek, Millares-ek eta Saura-k oso estilo pertsonalak garatu zituzten. Dena dela, guztien lanek dute zerbait komunean.
Gerra Zibilean, Bartzelonan bizitzen jarraitu zuen Tàpiesek, eta bertan fundatu zuen Dau Al Set taldea 1947an, lagun Joan Brossa poetarekin batera. Bigarren Mundu Gerra osteko mugimendu katalan subertsiboa izan zen; izan ere, garai hartan, Franco jeneralaren erregimen autoritarioak artearen alorrean kontserbadurismoa eta geldialdia bultzatu zituen. “Dau Al Set” esamoldeak “dadoa zazpira” esan nahi du, eta Francoren “oinarrizko zazpi legeei” aipamen egiten die: horiek erabili zituen Francok jite antidemokratikoari kutsu konstituzionala emateko. Dau al Setek dadaismoa eta surrealismoa hartu zituen inspirazio-iturritzat.
Tàpies nazioartean ezaguna egin zen bere estilo abstraktua garatu ahala; basatiaren eta neurridunaren arteko nahastea da, estilo zeharo pertsonala: zeinuen, ikurren arrastoen eta anbiguotasunaren oso hizkuntza berezia.