Bitarte argitsua: D. Daskalopoulos Collection
Wangechi Mutu: Salokeria ahanzturatik ateratzen (Exhuming Gluttony), 2006/11
Alexandros Psychoulis: Gorputzerako krema (Body Milk), 2003
Iruzkinak
Gabriel Orozco: Penske proiektua (Penske Work Project), 1998
- Izenburua:
- Gabriel Orozco: Penske proiektua (Penske Work Project), 1998
- Erakusketa:
- Bitarte argitsua: D. Daskalopoulos Collection
- Gaiak:
- Artea eta espazioa | Sorkuntza artistikoa | Lan-prozesua | Materiala | New York
- Mugimendu artistikoak:
- Arte Garaikidea
- Artelan motak:
- Argazkia | Eskultura | Performance
- Aipatutako artistak:
- Orozco, Gabriel
1998an, Gabriel Orozco artista mexikarrak Penske Corporation garraio-enpresari kamioi bat alokatu zion eta New York hirian zehar ibili zen eraikuntza-lanetako hondakindegien bila. Horietako bat aurkitzen zuenean, kamioia aparkatu eta goitik behera miatzen zuen barruan zegoena, botatako hainbat objektu eta material hartzeko. Gero, bildutako gaietatik batzuk aukeratzen zituen eta haiekin eskultura inprobisatu bat eratzen zuen lekuan bertan. Eskultura amaituta zegoenean, Polaroid kamera hartu eta argazkiak ateratzen zizkion lana kamioian kontu handiz kargatu eta hurrengo hondakindegira abiatu aurretik. Hala, bidaia horietan egindako eskultura- eta argazki-multzoak osatzen du Penske proiektua.
Eskulturak eraikuntza-lanetako ohiko materialekin eginda daude: igeltsuzko plakak, alanbre-sarea, pintura-poteak, poliestireno-aparra eta zur kontratxapatua. Lan batean, leiho-sareta baten oholtxoak okertu eta gomazko alfonbra batean txertatu zituen, grapa erraldoien itxura emanez.
Penske proiektuarekin, Orozcok erronka jostalari bat ezarri zion bere buruari, hain zuzen, artelanak espazio publiko batean eta denbora errealean egitea. Lan horien sortze-prozesua performance antzeko bat izan zen, ondotik pasatzen zirenak begira geratzen baitziren materiala eskultura bihurtzen zuen bitartean.