Alberto Durero: Städel Museum-en Bildumako grabatuak
Sarrera
Gizonen bainua
Iruzkinak
Nemesis (Fortuna handia)
- Izenburua:
- Nemesis (Fortuna handia)
- Erakusketa:
- Alberto Durero: Städel Museum-en Bildumako grabatuak
- Gaiak:
- Giza gorputza | Artea eta mitologia | Sorkuntza artistikoa | Proportzioa | Sinbologia | Paisaia | Morala
- Mugimendu artistikoak:
- Errenazimentua
- Artelan motak:
- Grabatua
- Aipatutako artistak:
- Durero, Alberto
Xehetasun handiko grabatu honek bi izen ditu Nemesis eta Fortuna Handia. Jainkosa hegodun handi bat agertzen da irudikatuta lurraren gainen, zeruan goratuta. Kaliza bat du esku batean, eta brida bat bestean. Fortunaren irudi tradizionala da, zortearen eta gizakion halabehar ezezagunaren sinbolo. Albora begira, orekan, irudikatuta dago, eta egonkor agertzen da. Baina haize leuna sumatzen da, bere inguruan ikusten den oihala astinduz, jainkosa, esfera txiki baten gainean dela, oreka mantentzen ari den bitartean. Hala, osagai horiek ikusita, zoriaren ezegonkortasuna datorkigu burura.
Baina Durero-k harantzago joan nahi izan zuen eta esanahi zehatzagoa eman zion irudiari. Nemesis izena eman zion, greziar jainkosaren izena, eta halabehar zuzenaren sinbolo. Beraz, Fortuna baino gehiago, Nemesisek sinbolizatzen duen sinesmena hauxe da: geu gara gure halabeharraren erantzule eta, beraz, portaera onagatik saritu eta harrokeriagatik edo moralgabekeriagatik zigortuko gaituzte. Nemesisek eskuetan daramatzan objektuak berriro begiratzen badituzu, argiago ikus daiteke hori: kalizak oparotasuna, saria eta zori ona adierazten duen bitartean, brida diziplinaren eta zigorraren sinboloa da.
Dureroren jainkosak jatorria Grezian badu ere, bere gorputza ez dator bat antzinako emakumearen edertasunaren idealarekin. Horren ordez, arreta handiz egindako naturaren estudioan eta neurriaren eta proportzioaren legeak aplikatzearen konbinazioan oinarritua dago.
Dureroren Nemesis irudiaren ezaugarri nabarmenetakoa jainkosak azpian duen paisaia da. Berealdiko ikuspegia eskaintzen zaigu, lurraren zabaltasuna eta grabatuan jasotako gaiaren unibertsaltasuna iradokiz. Baina, gainera, Tiroleko hegoaldeko paisaiaren xehetasun eta doitasun handiko topografia da. Ustez, Durerok 1494an Italiara egin zuen lehenengo bidaian egindako akuarela baten oinarrituta egin omen zuen irudikapen hau. Behean, eskuinaldean, Dureroren monograma bereizgarria ikusiko duzu cartellino deitzen zaion blok txiki batean.