Alberto Durero: Städel Museum-en Bildumako grabatuak
Azken afaria [Nekaldi handia seriea]
Ama Birjinaren bizitza seriea
Iruzkinak
Kristo olibondoen mendian; Kristoren atxiloketa; Kristo linboan (konparazioa) [Nekaldi handia seriea]
- Izenburua:
- Kristo olibondoen mendian; Kristoren atxiloketa; Kristo linboan (konparazioa) [Nekaldi handia seriea]
- Erakusketa:
- Alberto Durero: Städel Museum-en Bildumako grabatuak
- Gaiak:
- Artea eta erlijioa | Sorkuntza artistikoa | Argia | Perspektiba
- Mugimendu artistikoak:
- Errenazimentua
- Teknikak:
- Estanpazioa
- Artelan motak:
- Grabatua
- Aipatutako artistak:
- Durero, Alberto
Kristo olibondoen mendian da hurrengo lamina. Serie honetarako Durero-k egin zuen aurrenetako bat da. Gaua da, eta Kristo otoitz egiten ari da Getsemaniko Lorategian. Hasieran egindako lan hau begiratzen badugu eta beranduago egin zuen Azken afariarekin, edota serieko hurrengo laminarekin, Kristoren atxiloketa izenekoarekin, konparatzen badugu, Durero Behe Erdi Aroko artista izatetik Errenazimentuko artista izatera pasa zela ikusi ahal izango dugu. Hasierako lan honetan xehetasun anitzak antzeman daitezke laminan zehar, eta objektuak gainjarrita eta atzera eramanez lortu du distantziaren zentzua, edo perspektiba. Geroago egin zituen lanetan, Kristoren Atxiloketan besteak beste, irudiak espazioan integratzen dira. Gainera, perspektibak hiru dimentsioen sakontasun sentsazioa areagotzen du. Azken aurreko laminan, Kristo linboan estanpan, Kristoren ahalmena Infernura iristen dela ikus dezakegu. Bere inguruan iluntasuna argituz, infernuaren sakontasunetik ateratzen laguntzen ari da jendea, deabru zakarra burlaka ari zaion bitartean. Argiaren eta iluntasun efektuak ahalmen handikoak dira, baita efektu dramatikoak ere. 1510erako teknika monokromoen mugak gaindituz, Durerok erakutsi zuen aparteko trebetasunaren erakusgarri argia dira. Zenbaitetan lerro zuzen itzaleztatu soilak erabiliz lortzen ditu argi-itzal jokoak: hori, adibidez, infernutik salbu dagoen Ebaren irudi biluzian antzeman daiteke, taldean ezkerretara, atzealdean zutik agertzen dena.