Alberto Durero: Städel Museum-en Bildumako grabatuak
Gizonen bainua
San Joan Ebanjelariaren martirioa [Apokalipsia seriea]
Iruzkinak
Apokalipsia seriea
- Izenburua:
- Apokalipsia seriea
- Erakusketa:
- Alberto Durero: Städel Museum-en Bildumako grabatuak
- Gaiak:
- Artea eta erlijioa | Artea eta gizartea | Sorkuntza artistikoa
- Mugimendu artistikoak:
- Errenazimentua
- Artelan motak:
- Artista-liburua | Grabatua
- Aipatutako artistak:
- Durero, Alberto
1498an argitaratutako serie hau hamabost harialderako grabatuk osatzen dute eta historian izan den “artista-liburuaren” lehenengo adibidea dugu. Inork eskatu gabe sortu zuen Durero-k, baina arrisku hark ondorio onak ekarri zizkion: bere Apokalipsiak izugarrizko arrakasta izan zuen eta serie honi esker berehala egin zen ospetsu. Bibliako Errebelazioen liburua hartu zuen ikergai, munduaren bukaeran ongiaren eta gaizkiaren artean sortuko den borroka bortitzaren inguruan San Joanek bizi izandako ikuspenetan oinarritua. Gaia ezin egokiagoa zen: Dureroren liburua erlijioan eta gizartean antzematen hasia zen krisialdi handi baten garaian agertu zen, munduaren amaiera berehala gerturatzen ari zenaren beldurra zabaldu zenean.
Artearen ikuspegitik, Dureroren Apokalipsiak bide berriak ireki zituen. Harialderako grabatuaren teknika tradizionalak gehienetan nahiko marrazki sinpleak egiteko aukera ematen zuen bakarrik. Baina serie handi honetan Dureroren irudiek normalean pinturan edo kobre-grabatuan bakarrik lor zitekeen zailtasun-maila erakusten dute.
Orain, serie honetako lau grabaturi buruzko informazio laburra entzun ahal izango duzu.