Alberto Durero: Städel Museum-en Bildumako grabatuak
Herkules bidegurutzean (Bertutea eta Gozamenaren arteko borroka Herkules aurrean dela)
Nekaldi handia seriea
Iruzkinak
Adam eta Eva (Jatorrizko Bekatua)
- Izenburua:
- Adam eta Eva (Jatorrizko Bekatua)
- Erakusketa:
- Alberto Durero: Städel Museum-en Bildumako grabatuak
- Gaiak:
- Giza gorputza | Artea eta erlijioa | Sorkuntza artistikoa | Proportzioa | Sinbologia
- Artelan motak:
- Grabatua
- Aipatutako artistak:
- Durero, Alberto
Adam-en eta Eva-ren eta Paradisuaren Gainbeheraren irudikapen hau 1504an sortu zuen Durerok. Lau urte zeramatzan giza proportzio idealak sakonetik aztertzen eta marrazten. Obra hau bere grabatu bikaineteko bat da. Gorputza irudikatzean, edertasun objektiboa jasotzen saiatu zen Durero, eta horren erakusgarri argia dugu arazo artistiko horri aurre egin zion modua. Hemen, gizonezkoaren eta emakumezkoaren gorputzak aurrera begira agertzen dira, buruak soslaia dituztela.
Artistak ondo ezagutzen zituen arkitekturaren teoriko zen Vitruviusen ikasbideak eta proportzioaren teoria matematikoak. Arte klasikoa aztertu zuen, baita Italiako Errenazimentuan berriro interpretatu zuten modua ere. Hemen agertzen diren irudiek lotura estua dute antzinateko aurrekariekin eta naturatik agindako estudioekin. Aurretik egin izan zituen estudioak ikusita, Durerok Apolo jainkoaren irudi gisa egin zuen hasiera batean gizonezkoaren irudia. Baina geroago, Biblian jasotako jatorrizko bekatuaren gaia jasotzea erabaki zuen, Europako iparraldeko bere publiko kristaua kontuan hartu zuelako beharbada.
Evak eskuan du debekatutako fruitua, jakituriaren zuhaitzetik hartutakoa. Gainera, sugea beste bat eskaintzen ari zaio, Adami emango diona. Hark eskua erdi zabalik duela, fruitua hartzeko prest dagoela ematen du. Bikotea animaliez inguratua dago. 1500. urteetako publiko hezia animalia horien esanahian lau tenperamentu edo “umoreen” teoria antzemateko gai izango zela uste izan da. Beraz, orein-handia, malenkonia goibela izango litzateke; zezena, patxada eta moteltasuna; erbia, baikorraren bizitasuna; eta katua, suminkorraren asaldura. Erdi Aroko sinesmenaren arabera, Adamek eta Evak hasiera batean ez zuten lau humoreen desoreka hori ezagutzen. Gizakiaren “gainbeheraren” eta Paradisutik egotzi izanaren ondoren jasan behar izan ditu gizateriak humore horiek.