Alberto Durero: Städel Museum-en Bildumako grabatuak
Zalduna (Zalduna, heriotza eta deabrua)
Melencolia I (Malenkonia)
Iruzkinak
San Jeronimo bere gelan
- Izenburua:
- San Jeronimo bere gelan
- Erakusketa:
- Alberto Durero: Städel Museum-en Bildumako grabatuak
- Gaiak:
- Heriotza | Artea eta erlijioa | Sorkuntza artistikoa | Argia | Sinbologia
- Mugimendu artistikoak:
- Errenazimentua
- Artelan motak:
- Grabatua
- Aipatutako artistak:
- Durero, Alberto
Garrantzi handiko kobre-grabatu honetan San Jeronimo agertzen da bere estudioan lanean. Bere ohiko ezaugarriengatik antzeman dezakezu: kardinalaren kapela, atzeko horman zintzilik, eta lehoia, aurrealdean etzanda. San Jeronimok hebraieratik latinera itzuli zuen Biblia. Irudi ezaguna zen Humanismoaren arloan, irakaskuntza eta giro intelektualarekin harremana zuelako.
Lan hau barneko espazioaren estudio bikaina da gainera, baita eguzki-argiak sorrarazten dituen efektuena ere, kristala zeharkatuz hainbat objektu eta gainazaletan islatuz: zurean, larruan eta ehunetan ikus dezakegu hori. Zurezko hormak dituen estudio honek babes-giro baketsua eta ordenatua aditzera ematen digu. Bertako lasaitasuna atseden hartzen ari diren animaliek nabarmentzen dute. Leiho-ertzean ikusten den burezurra eta atzealdeko paretako hare-erlojua heriotzaren sinbolo dira, baina ez dira eragozpen jakintsu honentzat. Argi sakratua dario santuari eta ikasmahaian duen gurutzeak babesten du – Kristok heriotza gainditu izanaren sinbolo.
San Jeronimo garrantzizko irudia izan zen Durero-rentzat eta, izan ere, behin baino gehiagotan landu izan zuen bere obretan. Urte berean, 1514an, artistak egindako beste maisulan batekin Malenkoniarekin hain zuzen, parekatu izan zuen grabatu hau. Biak batera begiratzen baditugu, Jainkoaren zerbitzura egindako deboziozko lanaren iruditzat interpreta dezakegu San Jeronimo bere gelan, Malenkonian agertzen den jeinu kezkatuak artistaren marmarrak aditzera ematen dizkigun bitartean, munduarekin haserre, eta bere giza ahalmenek dituzten mugak sufritzen.