Richard Artschwager
Heldulekua I (Handle), 1962
Iruzkinak
Sarrera
- Izenburua:
- Sarrera
- Erakusketa:
- Richard Artschwager
- Gaiak:
- Artea eta espazioa | Artea eta umorea | Eragin artistikoa | Ibilbide artistikoa | Sorkuntza artistikoa | Materiala | Altzariak
- Mugimendu artistikoak:
- Arte Garaikidea | Arte Kontzeptuala | Minimalismoa | Pop Artea
- Artelan motak:
- Artisautza | Eskultura | Pintura
- Aipatutako artistak:
- Artschwager, Richard
Ongi etorri Richard Artschwager artista amerikarraren atzerabegirako erakusketa honetara. Etiketatua izateari uko egiten dion obra da artista honena.
Europar immigranteen seme, Washington D.C. hirian jaio zen Artschwager 1923an. Ithacako Cornell Unibertsitatean, New Yorken, egin zituen biologia, kimika eta matematiketako ikasketek pentsamolde zientifikoa sustatu zuten harengan, eta horrek arrastoa utziko zuen gerora artista moduan egin zituen obretan. Estatu Batuetako armadak deitua, Ardenetako guduan zauritu zuten, eta kontrainteligentzia lanak egin zituen Vienan. Gerraren ondoren, arte-ikasketak egin zituen Parisen. New Yorkera itzuli zenean, kutxazain lanetan aritu zen banketxe batean, eta haur txikien argazkiak egiten, harik eta zurezko altzariak egiten arrakasta lortu zuen arte. Bere aroztegian aurkitu zuen, hain zuzen, bere ibilbide artistikorako inspirazioa; berandu ekin zion ibilbide horri, eta ez zuen bakarkako erakusketarik egin berrogeita bi urte izan zituen arte.
1960ko hamarkadaren hasieran, artista asko liluratu zituzten masa-hedabideek eta ekoizpen industrialak. Artschwager ez zen fenomeno horretatik aparte geratu, baina, bere garaiko mugimendu artistiko guztiekiko sentsibilitatea izan arren, ez zuen jo ez minimalismora, ez pop artera eta ez kontzeptualismora. Aparteko kasu berezia izan zen beti; haren obra espazioa zorroztasunez zalantzan jartzetik sortzen da, batez ere etxe-barne girokoa, espazio hori eraikitzeko erabilitako materialen bitartez egin ere. Haren ekoizpenaren zati handi bat bi eta hiru dimentsioen arteko bateratzean kokatzen da, pinturaren eta eskulturaren artean. Bestalde, beti dibertitu izan zuen artelanek funtzio praktikorik ez izateak.
Hil zenean, 2013an, Artschwagerrek artelan enigmatikoz betetako mende erdi emankorra utzi zuen: altzarien eskulturak, margolan lausoak eta berak asmatutako marka beltz enigmatikoak; azken horien hautaketa garrantzitsua eskaintzen du erakusketa honek.
Erakusketaren hasieran, artistaren ibilbidea ilustratzen duen artxiboko materiala biltzen duen gune bat aurkituko duzu.
Gozatu bisitaz!