Richard Artschwager

Iruzkinak

Galdera-ikurra – Hiru puntu (Question Mark – Three Periods), 1994

Hiru puntu, atzean galdera-ikurra dutela, marrazki bizidunetako proportzioetan altxatua: imintzioka ari den gorputz bat oro har halako imintziorik ez duen obra batean. Txingoka jauzi egiten ari den norbait zela esanez definitu zuen bere galdera-ikur erraldoia Artschwager-ek. Nola dago pertsonifikatua ikurra?

Galdera-ikurraren aurreko hiru puntuek elipsi bat eratzen dute, eta elipsi horrek etenaldi bat, beste ideia baterako bat-bateko jauzia edo, agian, omisio bat adieraz lezake. Etenda mantentzen gaituzte. Galdera-ikur zutikakoa geurea da. Nola beteko dugu zuri dagoen espazioa?

Eskala umorezkoa da, baina ikurrek, hizkuntzatik bereizita daudenez, bakardade sentimendua transmititzen dute. Zer dira puntuazio-ikurrak puntuatzen dituzten hitzak gabe? Iraganbidea ematen diote, baina zeri? Erakusketako espazioa al da ikur horiek inskribatu direneko orrialdea?

Litekeena da, hala ere, guk okerreko galderak egin izana ere, puntuazio-ikur horiek ez baitira esaldi batetik bereiziak izan. Artschwagerrek hizkuntzaren aurretiko esperientziatzat zeukan artea. Horrenbestez, beharbada zentzuzkoagoa da artelan hau haren blpekin lotzea, azken horiek espazioaren puntuazio moduan ikus bailitezke. Zeinu hauek energia iradokitzaileagoa daukate, beharbada haien esanahia ezagutzen dugulako. Esaldi bat nola irakurri behar den adierazi beharrean, espazioa nola irakurri azaltzen digute.