Fauvismotik surrealismora: Parisko Musée d’Art Moderneko maisulanak
Suzanne Valadon, Biluzia (Nu, 1925)
María Blanchard, Emakume espainiarra (L'Espagnole, ca. 1910–13)
Iruzkinak
Chana Orloff, Parisko neskatila (Fillette de Paris, 1928)
- Izenburua:
- Chana Orloff, Parisko neskatila (Fillette de Paris, 1928)
- Erakusketa:
- Fauvismotik surrealismora: Parisko Musée d’Art Moderneko maisulanak
- Gaiak:
- Emakumea artean | Giza gorputza | Haurrak | Eragin artistikoa | Ibilbide artistikoa | Forma | Geometria | Konposizioa | Erretratua eta autorretratua | Gizarte-kronika | Parisko Eskola | Judaismoa | Paris | Palestina
- Mugimendu artistikoak:
- Modernismoa
- Artelan motak:
- Eskultura
- Aipatutako artistak:
- Orloff, Chana
Chana Orloffen familiak Ukrainako pogrometatik ihes egin zuen 1905ean, eta Palestina judura emigratu zuen.
Gerora, arterako zuen joerak bultzatuta, Parisko eskola eta akademietan ikasi zuen Orloffek.
Eskulturagintza izan zuen bizibide 1912az geroztik, eta 1913an bere obra erakusten hasi zen Parisko areto nagusietan.
Orloffen eskulturetan, emakumeak eta haurrak izan ziren elementu gailena.
1920ko hamarkadatik aurrera, Parisko goi-mailako gizartearen erretratugile nagusietako bat izan zen, eta artistak psikoanalisiarekiko zeukan interesa funtsezko elementua da haren erretratuak ulertzeko.
Hain zuzen, Orloffek harreman estua izan zuen garaiko psikoanalisten zirkuluarekin, eta interes berezia piztu zioten haurren psikologiari buruzko ikerketa berriek.
Parisko neskatila lanak Hélène Rank irudikatzen du, Otto Rank psikologo austriarraren alaba bakarra. Otto Rank, bidenabar, Sigmund Freuden laguntzaile gertukoenetako bat izan zen.
Orloffen eskultura figuratiboan, geometria, sintesia eta estilizazioa nabarmentzen dira; haren obrak kurba leunak eta lerro sotilak ageri ohi ditu, eta gainazal leuna eta konposizio liriko eta arina ditu ezaugarri.