Fauvismotik surrealismora: Parisko Musée d’Art Moderneko maisulanak
Giorgio De Chirico, Malenkonia hermetikoa (Mélancolie hermétique, 1919)
Roberto Matta, Pentsaezina (L'impensable, 1958)
Iruzkinak
Claude Cahun, Autorretratua (Autoportrait, 1929)
- Izenburua:
- Claude Cahun, Autorretratua (Autoportrait, 1929)
- Erakusketa:
- Fauvismotik surrealismora: Parisko Musée d’Art Moderneko maisulanak
- Gaiak:
- Emakumea artean | Generoa eta sexualitatea | Homosexualitatea | Queer | Artea eta identitatea | Artearen historia | Eragin artistikoa | Sorkuntza artistikoa | Erretratua eta autorretratua | Frantzia | Autoezagutza
- Mugimendu artistikoak:
- Surrealismoa
- Teknikak:
- Fotomuntaketa
- Artelan motak:
- Argazkia
- Aipatutako artistak:
- Cahun, Claude
Lucy Schwob argazkilari surrealistak Claude Cahun ezizena hartu zuen 1914an.
Nantesen hazi zen, intelektual eta kazetari artean. Gazte-gaztetan onartu zuen homosexuala zela, eta Suzanne Malherbe marrazkilaria izan zuen bikotekide. Azken hori Marcel Moore ezizenarekin egin zen ezagun, eta Cahunen konplize diskretua ez ezik, haren laguntzailea ere izan zen.
Cahunek autorretratu antzeztuen bidez egiten zituen fotomuntatzeak, beti intimoak eta are sekretuak, itxura hartzen joan ziren 1910eko hamarkadaren amaieran eta 1920ko hamarkadaren hasieran.
Artistak argazkilaritzara jo zuen lehenbizi oroitzapenak atzemateko, eta, gerora, identitatea eta generoa zalantzan jartzen zituzten irudiak sortzen hasi zen.
Autorretratu honetan, Théâtre du Plateau antzokian egindako Bizar-urdin obraren emanaldian eraman zituen jantziekin ageri da artista.
Bi negatiboak gainjartzeak asaldura eragiten du egileak rol-joko gisa ulertzen duen alteritate- edo identitate-elkarrizketa horretan.
1937an, Cahun eta bikotekidea Frantziako kostaldearen parean dagoen Jersey uhartera joan ziren bizitzera, eta hura izan zuten behin betiko bizileku. Lurralde isolatu hartan artelanak egiten jarraitu zuten biek. Artista hil zenean, haren obra ahanzturan erori zen, eta 1990eko hamarkadara arte ez zuen berriz arretarik lortu Cahunek Malherberen laguntzaz sortutako lanak.
Gaur egun, queer kulturako pertsonaia enblematikoa da, bai eta funtsezko figura ere argazkigintzaren historian.