Fauvismotik surrealismora: Parisko Musée d’Art Moderneko maisulanak
Robert Delaunay, Biluzia apain-mahaiaren aurrean (Nu à la coiffeuse, 1915)
Jean Metzinger, Txori urdina (L'oiseau bleu, 1912–13)
Iruzkinak
Natalia Goncharova, Bi emakume espainiar (Deux femmes espagnoles, 1920–24)
- Izenburua:
- Natalia Goncharova, Bi emakume espainiar (Deux femmes espagnoles, 1920–24)
- Erakusketa:
- Fauvismotik surrealismora: Parisko Musée d’Art Moderneko maisulanak
- Gaiak:
- Emakumea artean | Giza gorputza | Artearen historia | Eragin artistikoa | Ibilbide artistikoa | Forma | Geometria | Kolorea | Konposizioa | Proportzioa | Ikonoa | Espainia | Frantzia | Paris
- Mugimendu artistikoak:
- Kubismoa
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Goncharova, Natalia
Sorterrian abangoardiako mugimenduetan parte hartu ondoren, Natalia Goncharova errusiarra Parisera joan zen bizitzera.
Diaghilev enpresariaren Ballet Errusiarretan lan egin zuen garaian, biran ateratzen zen konpainiarekin, eta orduantxe ezagutu zuen Espainia.
Artistak espainiar emakumeak hartu zituen gai gisa bost paneleko lan bat egiteko. Horietako bi daude hemen ikusgai.
Panelek gorputz osoko emakume-irudi handi askoak erakusten dituzte, Espainiako jantzi eta osagarri tradizionalak soinean dituztela, hala nola xalak, farfailak, abanikoak eta mantelinak.
Goncharovak ikono errusiarrak hartu zituen inspirazio-iturri, eta horren erakusgarri da aurpegien moteltasun hitsa —madonnek izaten dutenaren antzekoa— eta gorputzen gelditasuna.
Beste eragin batzuk ere ageri dira lanean, frantsesak batik bat. Kolore-paletaren soiltasunean ikusten da hori, okreak, grisak, beltzak eta zuriak bakarrik baliatu baitzituen errusiar artistak, berezkoa zuen kolore-sortatik aldenduz.
Proportzioak ere sinplifikatuta ageri dira. Formek tasun geometrikoa hartzen dute, eta lanak badu halako efektu apaingarri bat, sakontasun-ezari lotua.