Ikurrak eta objektuak. Guggenheim Bildumako Pop artea
Sarrera
Chryssa“Horixe da dena” lanerako eraikuntza-azterketa (Construccion Study for “That´s All”), 1969–70Sinadura fragmentatua (Fragmented Signature), 1970
Iruzkinak
Miguel Ángel CárdenasBikote berdea (Green Couple), 1964
- Izenburua:
- Miguel Ángel CárdenasBikote berdea (Green Couple), 1964
- Erakusketa:
- Ikurrak eta objektuak. Guggenheim Bildumako Pop artea
- Gaiak:
- Generoa eta sexualitatea | Eragin artistikoa | Ibilbide artistikoa | Forma | Kolorea | Konposizioa | AEB | Herbehereak | Kolonbia | Teknika eta materialak
- Mugimendu artistikoak:
- Pop Artea
- Artelan motak:
- Eskultura
- Aipatutako artistak:
- Cárdenas,
Bikote berdea artelana bi panel karratuz osatuta dago. Barruan figura bana dute: bata laukia eta bestea, berriz, borobila. Figura horietako bakoitza emakumeen eta gizonen sexu-organoak gogorarazten dituzten irudiekin jolasten da. Bi irudiak kable baten bidez konektatuta daude, eta, Pop artearen interpretazio hedonista eta sexualizatua eginez, esan liteke askaturiko papar-hegalak ematen dutela. Bikote berdea Miguel Ángel Cárdenasek hirurogeiko hamarkadan sortutako obra-sail baten parte da; Tensages izena jarri zien lan haiei “tentsioa” eta “ensanblajea” hitzak elkartuta. Horman muntatutako eskultura haietan, artistak eguneroko bizitzako materialak baliatzen zituen, hala nola ontziak, plastikoa eta latex tenkatu gainean jarritako oihalezko kremailerak. Bikote berdea lanak ondotxo irudikatzen duen bezala, sailak kutsu jostalaria du, tarteka lotsagabea ere bai. Gainazal tenkatuko lan horietako batzuek aurkitutako objektuak dauzkate; esate baterako, gizonezkoen genitalak balira bezala modu probokatzailean jarritako plastikozko bolak.
Miguel Angel Cárdenas Kolonbian hezi zen, ingurune kontserbadore eta katoliko batean, eta 1962an Amsterdam aldera emigratu zuen. Pop artearen unibertsoaren barruan erotismo jolastiari lotuta egin zituen ikerketak izan litezke, seguruenera, artistak familia-giro errepresibo eta itxurazalearen aurrean izaniko erreakzioa. Bestalde, haren azterlanak bat datoz Ipar Amerikako Pop artista garaikideekin, baina baita garai hartan Latinoamerikako neokonkretismoaren eta, oro har, abstrakzio eskultorikoaren esparruan sortzen ari ziren berrikuntzekin ere.