Ikurrak eta objektuak. Guggenheim Bildumako Pop artea
Chryssa“Horixe da dena” lanerako eraikuntza-azterketa (Construccion Study for “That´s All”), 1969–70Sinadura fragmentatua (Fragmented Signature), 1970
Richard HamiltonSolomon R. Guggenheima (Zuri-beltza) [The Solomon R. Guggenheim (Black and White)], 1965–66 Solomon R. Guggenheima (Espektroa) [The Solomon R. Guggenheim (Spectrum)], 1965–66
Iruzkinak
Jose DávilaTitulurik gabea, 2017
- Izenburua:
- Jose DávilaTitulurik gabea, 2017
- Erakusketa:
- Ikurrak eta objektuak. Guggenheim Bildumako Pop artea
- Gaiak:
- Artea eta gizartea | Artearen historia | Eragin artistikoa | Forma | Lan-prozesua | Sinbologia | Mexiko | Donald Judd | Andy Warhol | Pertzepzioa | Teknika eta materialak
- Mugimendu artistikoak:
- Neo-pop
- Artelan motak:
- Eskultura
- Aipatutako artistak:
- Dávila, José
Jose Dávila artista mexikarrak arkitektura-ikasketak egin zituen, eta ezaguna da bere konposizio eskultorikoetan erabiltzen duen material-aniztasunagatik, bai eta mendebaldeko artearen historiaren tradizioarekiko duen hartu-eman ausartagatik. Dávilaren obretako elementuak —hala nola beira, kableak, harriak edo kartoia— konbinaturik ageri dira hauskortasunaz eta erresistentziaz mintzatzeko. Haren pieza batzuek, itxuraz kontenplaziozkoak izan arren, hizpide dituzte artistaren garaiko errealitate soziopolitikoa eta prekaritate-baldintzak.
Titulurik gabea lana eskultura minimalistari egindako omenaldi edo keinu moduko bat da, hain zuzen ere Donald Judd artistari egina. Dávilak neurri berberak errepikatzen ditu eskulturaren pieza bakoitzean, eta Juddek bere obra bertikaletan erabiltzen zituen tarte distantziakide beretan antolatzen ditu. Dávilak, baina, material birziklatuak baliatzen ditu, eta horrek beste nolakotasun bat ematen die elementu-multzo arketipiko eta txukunei. Hala, Judden obrako gainazal distiratsuak kartoiaren neurritasunaz ordezkatzen ditu Dávilak, behar bada kapitalismoaren ifrentzua aditzera eman nahian; hau da, herrialde azpigaratuak direlakoei, metropoliak lehengaiz hornitzeko espoliatu zituzten herrialdeei keinu egin nahian. Bestalde, Jose Dávilaren obran pilatutako osagai bakoitzean konbinaturik ageri dira, batetik, detergente-kutxa birziklatuen zatiak, eta, bestetik, kalitate hobeko kartoi industriala, artistaren estudioan fabrikatua. Alde horretatik, Titulurik gabea lanak nolabaiteko erreferentzia egiten die Andy Warholen Brillo markako detergente-kutxei eta hark arte-arloko kontsumismoari begiratzeko zuen moduari, nola eta artistaren estudioa lantegi industrial batekin parekatuta.