Ikurrak eta objektuak. Guggenheim Bildumako Pop artea
Claes Oldenburg eta Coosje van BruggenLuma-bola biguna (Soft Shuttlecock), 1995
Robert RauschenbergTitulurik gabea, 1963Titulurik gabea (Veneziarra) [Untitled (Venetian)], 1973
Iruzkinak
Sigmar PolkeKathreiner, goizean, zakila tente (Kathreiners Morgenlatte), 1969–79
- Izenburua:
- Sigmar PolkeKathreiner, goizean, zakila tente (Kathreiners Morgenlatte), 1969–79
- Erakusketa:
- Ikurrak eta objektuak. Guggenheim Bildumako Pop artea
- Gaiak:
- Generoa eta sexualitatea | Eragin artistikoa | Ibilbide artistikoa | Sorkuntza artistikoa | Konposizioa | Lan-prozesua | Kontsumoa | Gerra Hotza | AEB | Alemania | Andy Warhol | Ironia | Pertzepzioa | Teknika eta materialak
- Mugimendu artistikoak:
- Pop Artea
- Aipatutako artistak:
- Polke, Sigmar
Sigmar Polkeren lehenbiziko lanek parodia egiten zioten Roy Lichtenstein eta Warhol bezalako artisten obretan ohikoak ziren Ben Day edo inpresio-bilbe tantotxoei. Berak eskuz margotzen zituen. Dena den, Polkeri, berez, ez zitzaizkion bere garaikide estatubatuarren teknikak interesatzen, baizik eta nola ematen den desioaren fenomenoa kontsumo-gizartean. Begirada kritikoa zuen, eta Alemaniako artearen norabidea aldatzen lagundu zuen hirurogeiko hamarkadan; izan ere, urte batzuk lehenago herrialdeko artegintza keinu-abstrakzioan gelditua zen, ez atzera ez aurrera. Polkek nahita landugabea zen estilo piktorikoa zerabilen une hartan, eta modu ironikoan hartzen zituen Gerra Hotzean murgildutako mundu polarizatu hartan gailentzen ziren bi estetikak; hau da, Pop artea eta errealismo sozialista.
Pinturaren mugak zabaltzea izan zen Polkek eta haren belaunaldiko Gerhard Richter artistak egindako ekarpenik garrantzitsuenetako bat. Kathreiner, goizean, zakila tente izeneko lan honetan, adibidez, Polkek zenbait geruza gehitu zizkion hasiera batean etxe bateko barnealde prototipiko baten irudikapena zenari, eta, horretarako, mihise gainean pilatu zituen komunikabideetatik hartutako ebakinak. Keinu performatibo batean, gainera, koadroaren bastidorea hautsi eta haren zatiak gehitu zizkion multzoari; horrekin, areagotu egin zuen obraren autorreferentzialtasuna.