Ikurrak eta objektuak. Guggenheim Bildumako Pop artea
Jose DávilaTitulurik gabea, 2017
Lucia HierroDenetarik apur bat, 2017–21
Iruzkinak
Richard HamiltonSolomon R. Guggenheima (Zuri-beltza) [The Solomon R. Guggenheim (Black and White)], 1965–66 Solomon R. Guggenheima (Espektroa) [The Solomon R. Guggenheim (Spectrum)], 1965–66
- Izenburua:
- Richard HamiltonSolomon R. Guggenheima (Zuri-beltza) [The Solomon R. Guggenheim (Black and White)], 1965–66Solomon R. Guggenheima (Espektroa) [The Solomon R. Guggenheim (Spectrum)], 1965–66
- Erakusketa:
- Ikurrak eta objektuak. Guggenheim Bildumako Pop artea
- Gaiak:
- Arkitektura | Artearen historia | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Kolorea | Konposizioa | Lan-prozesua | Kontsumoa | Museoak | Solomon R. Guggenheim Museoa | AEB | New York | Ingalaterra | Londres | Frank Lloyd Wright | Ironia | Teknika eta materialak
- Mugimendu artistikoak:
- Pop Artea
- Aipatutako artistak:
- Hamilton, Richard
Erakusketa honetan jasotako Richard Hamiltonen bi lanak beira-zuntzez egindako sei erliebez osaturiko sail batekoak dira, eta New Yorkeko Guggenheim Museoa irudikatzen dute. Haietako batean, zuri-beltzean ageri da eraikin ikonikoa. Bestean, berriz, Newtonen prismaren koloreek zeharkatzen dute, eta haren bertikaltasunak kontraste egiten du museoaren fatxada kurbatuarekin. Hamiltonek molde bera erabili zuen bi obretarako. Prozedura horrek nolabaiteko despertsonalizazio-itxura ematen dio multzoari, eta bat dator pop artistek anizkoiztasunarekiko eta sailean ekoiztearekiko duten zaletasunarekin. Bi lanok egiteko, Hamiltonek museoaren postal bat hartu zuen inspirazio-iturri, eta argazkiak ez ezik, eraikinaren arkitekto Frank Lloyd Wrighten jatorrizko planoak ere bilatu zituen. Ondoren, material hori erabili zuen bere zirriborroak eta eraikinaren ikuspegiak egiteko.
Richard Hamilton Pop artearen adierazlerik garrantzitsuenetako bat izan zen Ingalaterran, eta historialari batzuek mugimendu horren sortzailetzat ere hartzen dute. 1950eko hamarkadan, Londresko Arte Garaikideko Institutuaren Talde Independenteko kide izan zen, eta, bere kideekin batera, zera defendatu zuen, teknologia berriak eta kultura herrikoia zirela bere garaiko kultura bisualerako erreferentzia baliotsuenak. Talde harekin aurkeztutako Zerk egiten ditu egungo etxeak hain desberdinak, hain erakargarriak? izeneko lana izan zen, hain zuzen ere, Hamilton Poparen erreferente nagusi bihurtu zuena, eta mugimenduaren lehen obra enblematikoa ere izan zen. Collage hark ironiaz erakusten zituen etengabe handituz zihoan kultura kontsumista eta produkzio masiboko objektuen presentzia nabarmena. Izan ere, Hamiltonek tirada handiko aldizkari modernoak erabili zituen collage hura egiteko.