Yoshitomo Nara
Pentsalari txikia isilik (Little Thinker in Silence), 2016
Pentsalari txikia lorategian (Little Thinker in the Garden), 2016
Bilduma pribatua
Nire marrazki-gela (My Drawing Room), 2008
Artistaren bilduma
Iruzkinak
Lore hila 2020an birmasterizatua (Dead Flower 2020 Remastered), 2020 Artistaren bilduma
- Izenburua:
- Lore hila 2020an birmasterizatua (Dead Flower 2020 Remastered), 2020 Artistaren bilduma
- Erakusketa:
- Yoshitomo Nara
- Gaiak:
- Aurpegia | Haurrak | Artistak | Eragin artistikoa | Ibilbide artistikoa | Sinbologia | Alemania | Sentimenduak | Bakardadea
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Nara, Yoshitomo
Zutik, bonbilla soil batek argituriko apaindurarik gabeko barrualde batean, neskato bat aurpegia jiratuta ageri da, ezpainetan irribarre makabroa duela. Masail gorrixkak ditu, eta begiak dir-dir; odol-tantak darizkie ahoari eta lorea ebakitzeko baliatu duen zerrari. Lore baten arrastoa du buruan. Neskato bat dirudi, baina haren ekintzek eta hazpegiek helduen igurikimenen aurkako erresistentzia errebeldea adierazten dute.
Koadroaren hondoak bat egiten du neskatoaren larruazal-kolorearekin, eta, hala, existitzen ez den espazio baten ilusioa sortzen du. Neskatilak eta haren ekintzek bereganatzen dute gure arreta, eta horrek inflexio-puntu bat adierazten du Nararen artean. Artistak 1994an margotu zuen lehen aldiz Lore hila, Alemaniako Kolonia hirira bizitzera joan ondotik.
Hondo huts horiek ohikoak egiten zitzaizkidan tokiekiko askapena islatzen zuten. Obra horiek ez ziren sortu besterekiko konfrontaziotik, ezpada neure buruarekiko konfrontaziotik.
Dagoeneko saltzen hasia zen Nararen lana. Eta eraldaketa betean zegoen, bere barne-bizitzaren esplorazio isolatutik ikuspegi irekiago batera igarotzen. Ikusmolde horrekin, bere mundu-ikuskeran parte hartzeko gonbita egiten zien obra behatzen zutenei. 2020an erakusketa batean erakutsi nahi izan zuen Lore hila, baina ez zuenez maileguan hartzerik lortu, hemen ikusgai dagoen bertsio hau margotu zuen.
Bada izenburu bera duen beste koadro bat ere, 1994an sortua, 34 urte nituela. Irudi berbera dute biek. Asko gustatzen zait koadro hura, eta, atzera begirako erakusketa bat dudan bakoitzean maileguan lortzen saiatzen naiz, baina jabeak gutxitan uzten dit. Horregatik, beste bat margotzea erabaki nuen, musika-grabazio bat birmasterizatuko banu bezala. 1994koa ekinaldi bakarrean egin nuen, zalantza batzuk gorabehera. Baina gaur egun naizen margolari honek konponduak ditu garai bateko niak nabaritu ere egiten ez zituen zenbait gauza, hala nola soinu-ihesak, alferrikako hotsak eta muntaketa-ahuleziak, eta horrek egitura sendoko irudia eman du. Tamaina ere handitu nuen. Nola geratu zait, bada, orain dudan adinari dagokion abeskera nire kantu zahar haren gainean?