Yoshitomo Nara
Larrialdia (Emergency), 2013
Artistaren bilduma
Ilargi Zuri andereñoa (Miss Moonlight), 2020
Mori Art Museum, Tokio
Iruzkinak
Blankey, 2012Bilduma pribatua
- Izenburua:
- Blankey, 2012Bilduma pribatua
- Erakusketa:
- Yoshitomo Nara
- Gaiak:
- Ibilbide artistikoa | Sorkuntza artistikoa | Forma | Lan-prozesua | Erretratua eta autorretratua | Gizarte-kronika | Japonia | Musika-taldeak | Emozioa
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Nara, Yoshitomo
Margolan honen izenburua Blankey da, eta Blankey Jet City japoniar rock hirukotetik hartua da. Taldea laurogeiko hamarkadaren amaieran sortu zen Aichi prefekturan, eta arrakasta izaten hasi zen 1990ean talde berriak aurkezten zituen telebista-saio ezagun batean agertu ondotik. Nara haien musikaren jarraitzaile egin zen, eta haiekin parte hartu zuen liburu batean: Kenichi Asai abeslariaren Baby Revolution protesta-abestia ilustratu zuen.
Pintura honek, hain justu, Asai abeslaria gogorarazten duen figura bat du protagonista, haren tupe orrazkera berezi eta guzti. Ezaugarri hori ez da bat ohikoa izaten Nararen irudietan.
Koadroaren forma sinplifikatuek prozesu piktoriko artatsu, metodiko eta deliberatua dute atzean. Narak kolore beroak erabili zituen lan honetan, eta etapaz etapa aplikatu zituen pintura-geruzak; hala, artatsu lan egin zuen lanak duen lautasuna lortzeko.
Pieza honetan Kenichi Asairen ileari eginiko erreferentzia hauteman badaiteke ere, Nararen erretratuak ez dira pertsona zehatzen irudikapena izaten...
Hazpegiak margotzean —hala nola begiak, sudurra eta ahoa—, zerbait sakonagoa adierazi nahi nuen. Zera sakonago hori ezin da deskribatu hitzez. Dena den, jendeak ulertuko du.
Hemen, pertsonaiak independentzia eta errebeldia bihurria ageri ditu —artistaren haurtzaro emozionalki konplexu eta bakartiaren ezaugarriak, biak ere—. Baina koadro hori ez da bere barne-bizitzaren isla soilik; Narak kontuan hartzen ditu, orobat, besteek zer-nola jarduten duten obrarekin interakzioan.
Nire nahia ez da hainbeste ikusleari obra eskaintzea aurrean paratu eta begiratu dezan; aitzitik, haren irudimena piztu nahi dut. Hala, nork bere ulermenetik eta irudimenetik abiatuta ikusi ahalko du nire obra...
Margolan honetaz gainera, Blankey Jet City taldearen omenezko beste lan batzuk ere egin izan ditu Narak, hala nola Asairen Baby Revolution protesta-abestiaren letra jasotzen duen liburuaren ilustrazioak.