Yoshitomo Nara
Yamako (Mendi-ahizpa / gaztea) [Yamako (Mountain Sister / younger)], 2019
Artistaren bilduma
Aire-erasoentzako babeslekutik (From the Bomb Shelter), 2017
Artistaren bilduma
Iruzkinak
Gauerdiko malkoak (Midnight Tears), 2023Artistaren bilduma
- Izenburua:
- Gauerdiko malkoak (Midnight Tears), 2023Artistaren bilduma
- Erakusketa:
- Yoshitomo Nara
- Gaiak:
- Emakumea artean | Aurpegia | Haurrak | Eragin artistikoa | Ibilbide artistikoa | Sorkuntza artistikoa | Kolorea | Konposizioa | Lan-prozesua | Emozioa | Teknika eta materialak
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Nara, Yoshitomo
Istripu moduko baten ondorioz jaiotako koadro honetan, urre koloreko malko potoloak darizkie neskatxaren begiei. Narak Ilargi Zuri andereñoa lanaren bertsio bat margotu nahi zuen —hura ere ikusgai dago erakusketa honetan—, baina oraingoan neskatoak begiak zabalik zituela. Narak, lehenik eta behin, ingeradak marraztu ohi ditu zurezko bastidore gainean tenkatutako kotoi edo liho gainean, inprimaziorik gabe, eta gero prestatzen du mihisea margotzeko. Baina, koadro honi inprimazioa jartzera zihoala, jabetu zen jada zuriz margotutako mihise bat erosi zuela.
Erabiltzen saiatu nintzenean, pintzelak irrist egiten zidan, eta ezin nuen kontrolatu; beraz, ez nintzen batere gai izan ondo marrazteko. Ikasia nuen moduak ez zuenez funtzionatzen, neure buruaz ahaztu eta gogor saiatu behar izan nuen. Uste dut horrexegatik margotu nuela teknika ez zen zerbaitekin.
Nara hiru hilabetez aritu zen koadro honetan lanean. Horretan ziharduela, 1980ko hamarkadan ikasle zelarik ikasitako metodoak baliatu zituen.
Pintura lehortu aurretik aplikatzen baduzu, azpiko kolorearekin bat egin eta desagertu egingo da; horregatik, begien eta sudurraren posizioa margotu nuenean, ikatz-ziria uretan disolbatu zen, eta tantaka jausi zen. Negarrez ari zen emakume baten malko beltzak ziruditen. Azkenean, urre kolorea aplikatu nuen malkoetan, nabarmendu zitezen.