Yoshitomo Nara
Nire marrazki-gela (My Drawing Room), 2008
Artistaren bilduma
Hiltzeko gazteegi (Too Young to Die), 2001
Rubell Museum, Miami & Washington, D.C.
Iruzkinak
Basoko neskatoa (Miss Forest), 2010Leeum Museum of Art, Seul
- Izenburua:
- Basoko neskatoa (Miss Forest), 2010Leeum Museum of Art, Seul
- Erakusketa:
- Yoshitomo Nara
- Gaiak:
- Haurrak | Eragin artistikoa | Ibilbide artistikoa | Sorkuntza artistikoa | Forma | Konposizioa | Lan-prozesua | Zeramika | Materialtasuna | Japonia | Teknika eta materialak
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Nara, Yoshitomo
Platino, urre eta zilar likidoz apaindutako zeramikazko eskultura honek bide berriak irekitzen ditu Nararen artegintzan. Artista 2007an hasi zen zeramika lantzen, Shigarakin —Kyoto kanpoaldean— eginiko egonaldi batean hasi ere, eta bertako inguru historikoa eta artisau trebeak izan zituen inspirazio-iturri. Buztina baliabide naturala izatea ere motibagarri zitzaion, eta hala topatu zuen Narak hiru dimentsioko baliabide horrekin lan egiteko modua. Gustuko zuen haren materialtasuna, eta atsegin zuen obretan bere arrastoa utzi ahal izatea eskuekin landu ahala. Zeramikazko eskultura-sail bat sortu zuen japonierazko Moriko hitzean oinarrituta. Hitz horrek “basoko neskatoa” esan nahi du.
Lan honetan, erdi-gizakia erdi-animalia dirudi urre koloreko burua eta lepo bolanteduna dituen figurak. Narak buztinarekin lanean jarraitu zuen heinean, haren formak bilakatzen eta luzatzen hasi ziren. Honelaxe azaldu du artistak berak:
(...) hasieran, konkor handiak egiten nituen, baina, gerora, landare-forma hartzen zuten lanak egiten hasi nintzen, izei bat, kasu. Obra egiteko prozesu betean, zera imajinatzen nuen, lurretik sortzen eta kanpoko espaziorantz hazten zen gauza bat, unibertsoarekin komunikatzen zena antena bat balitz bezala. Artelan soil bat izan beharrean, obrak tankera horretako presentzia du.