Palazuelo. Lan prozesua
Aldaketa, 1951 (olio-pintura mihise gainean)
Iruzkinak
Sarrera
- Izenburua:
- Sarrera
- Erakusketa:
- Palazuelo. Lan prozesua
- Gaiak:
- Eragin artistikoa | Sorkuntza artistikoa | Forma | Geometria | Lan-prozesua | Materiala | Mugimendua | Sinbologia | Espiritualtasuna
- Mugimendu artistikoak:
- Arte Abstraktua | Minimalismoa
- Aipatutako artistak:
- Palazuelo, Pablo
Erakusketa honek Pablo Palazuelo-k izan duen eboluzio artistikoa aztertzen du bere lan-prozesuan oinarrituta. Erakusketan hirurehun bat obra bildu dira – batzuk jendaurrean lehen aldiz erakusten direnak–, besteak beste, marrazkiak, maketak, gouacheak, pinturak eta eskulturak.
Pablo Palazuelo Madrilen jaio zen 1915ean eta funtsezko artista da XX. mendearen bigarren erdiko Espainiako artean. Bere obrak ihes egiten dio edozein sailkapeni, ez baita garai horretan nagusi ziren korronte artistiko bakar batean ere sartzen; bere sortze-lan guztia formak eta horien eraldaketak aztertzeko bilaketa-prozesuan errotzen da. Artelanak sortzeaz gain bere lanak euskarritzat dituen oinarriei buruz gogoeta egiten jardun izan du: geometria, egiturak, formak, materia, energia…. Idatzi izan dituen testuek bikainki aditzera ematen dizkigute bere arrazoiak, planteamenduak, teknikak eta ahaleginak, bisitaldi honetan bere ahotik entzun ahal izango ditugunak.
Palazuelok honela ikusten du artea: “giza arazoak konpontzeko irtenbidea”. Ikusmolde hori espiritualtasunaren, sinbolismoaren eta filosofiaren korronteetan oinarritzen da, beti ere bere sortze-lan abstraktuetan nagusi diren formak, energia, materia eta mugimendua aztertzeko garaian erabiltzen duen ikuspegi arrazionalarekin eta zientifikoarekin lotuta.