Palazuelo. Lan prozesua
Paisaia III, 1996 (aluminio igurtzia)
Iruzkinak
Zeinua VII, 2001 (altzairu herdoilgaitza)
- Izenburua:
- Zeinua VII, 2001 (altzairu herdoilgaitza)
- Erakusketa:
- Palazuelo. Lan prozesua
- Gaiak:
- Artea eta espazioa | Ibilbide artistikoa | Forma | Geometria | Lerroa | Materiala | Espiritualtasuna | Kontzientzia
- Mugimendu artistikoak:
- Arte Abstraktua
- Artelan motak:
- Eskultura
- Aipatutako artistak:
- Palazuelo, Pablo
“Zeinuak –zeinu jakin batzuk– esanahi handiko idazkera dira, benetako formulak, formaren molde gisa definitu ohi ditudanak”.
Zeinua VII eskultura 2001ekoa da: Palazuelo-k 86 urte zituen orduan. Garai hartan bere lanak hedadura arkitektonikoagoa hartu zuen, delineatuagoa alegia, izen bera duten eta euskarri desberdinetan eginda dauden obretan ikus daitekeenez. Formak errepikatu egiten dira oraindik ere, eta baliabide batetik bestera, euskarri batetik bestera elkarri lotuta agertzen dira: obra hau goitik begiratzen badugu, profilak zehazten duen formak lehendik aipatu izan dugun Sylvarum/Varia I obran errepikatzen diren ereduak gogorarazten dizkigu. Zirkulu bat da, aurrena itxi eta hurrena berriro hasten dena, berriro ixteko. Etengabe aldatzen ari diren forma eta geometria horien zikloa trinkotzen ari balitz bezala:
“Ba al da unibertsoan gauza bera betiko izango denik? Erlijioetan ere heriotza eta itxuraldaketa, trans- substantziazioa... eta horrelako gaiak agertzen dira. Heriotza itxuraldatzea da, bizitza bera inplikatuta dagoen prozesua. Arte-mota jakin bat, pintura-mota jakin bat hiltzen ari da dagoeneko; artea, ordea, bizitzaren adierazpide da, eta bizitza hilezkorra da. Sortzen ari den arteak gauza asko izango ditu zientziari dagozkionak.
Obra bizialdi baten egunerokoa da”.