Palazuelo. Lan prozesua
Erdiko beltza, 1965 (olio-pintura mihise gainean), Ómphalo V, 1965-1967 (olio-pintura mihise gainean)
Monumentu baterako proiektua, 1977 (letoia nikel-bainuarekin)
Iruzkinak
Zenbakia eta urak, 1978 (gouachea paper gainean), Zenbakia eta urak I, 1978 (olio-pintura mihise gainean)
- Izenburua:
- Zenbakia eta urak, 1978 (gouachea paper gainean), Zenbakia eta urak I, 1978 (olio-pintura mihise gainean)
- Erakusketa:
- Palazuelo. Lan prozesua
- Gaiak:
- Artea eta espazioa | Artea eta musika | Eragin artistikoa | Geometria | Konposizioa | Lerroa | Marrazkigintza
- Mugimendu artistikoak:
- Arte Abstraktua | Minimalismoa
- Teknikak:
- Gouache | Olio-pintura
- Artelan motak:
- Pintura
- Aipatutako artistak:
- Palazuelo, Pablo
“Espazioa ‘bizi’ da; espazioaren bizitza pentsamenduaren materia da, uren gardentasuna.”
Palazuelo-k obra-sorta bat sortu zuen Zenbakia eta urak izenburupean, musikara eraman ahal izateko asmatutako konposizio geometrikoetan oinarrituta. Musikari lotutako lehenengo marrazkiak berrogeita hamarreko hamarkadaren hasierakoak dira, baina Palazuelok behin eta berriro erabili zuen erlazio hori bere ibilbidearen tarte desberdinetan. Bere marrazkiak musikara eramateko hasierako ideia hura hirurogeiko hamarkadan gauzatu zuen, Parisko Maeght Galerian ezagutu zuen Fréderic Nyst konpositorearekin lankidetzan. Hala, Iannis Xenakis maisuak sortutako tresna elektroakustikoen bidez, Nystek soinutan erreproduzitu zituen marrazkiak.
“Zenbakia eta urak partitura egitura bat da, marrazki geometriko jarraitua eta sistema irekia izateko pentsatua. Gorputz geometriko honek aniztasun antzemangarria biltzen du bere batasunean. Atzematen den une beretik, aniztasun horrek bere transformazioaren modalitateak aditzera ematen ditu, kanpoko edozein interbentziok errespetatu beharko dituztenak.”
1986an, El paseante aldizkariko elkarrizketa batean, pieza hauei buruz hitz egitean hau dio Palazuelok pinturaren eta musikaren arteko hurbiltasunari buruz:
“Askotan, lanean ari naizenean, entzuten ari naizela sentitzen dut. Ondo pentsatuta, ez dut uste nire irudipena denik, gizakiok sustraituta dugun esperientzia edo sentimen bat baizik. […] Beraz, halako batasuna sumatzen da betidanik entzuten denaren eta formaren artean. ‘Ikusmenarekin entzuten baduzu eta entzumenarekin ikusi, bide ziurretik zoaz’, dio zen maisu batek. […] Ikusten dena eta entzuten dena bi alderdi desberdin direla uste dut, baina oso hurbilekoak, gauza beretik sortuak, eta horrexegatik uste dut existitzen direla musika isila eta bakardade soinuduna […]”.
Palazuelok informazio eta inspirazio-iturri etengabea eta jariakorra balitz bezala ikusten du unibertsoa. Ura – bizitzaren sorburua – espazio mugagabea da, “mugarik gabeko ozeanoak”, eta bertan energia horiek batu egiten dira konfigurazio berriei bide eginez.