Palazuelo. Lan prozesua
Psello, 1955 (olio-pintura mihise gainean), Bakardadeak I, 1955 (olio-pintura mihise gainean), Irudia, 1955 (olio-pintura mihise gainean)
Mandala,1958 (olio-pintura mihise gainean)
Iruzkinak
Estudio handia I, 1955 (arkatza paper gainean), Estudio handia III, 1957 (arkatza kolatutako paper gainean), Estudio handia IV, 1957-1958 (olio-pintura mihise gainean)
- Izenburua:
- Estudio handia I, 1955 (arkatza paper gainean), Estudio handia III, 1957 (arkatza kolatutako paper gainean), Estudio handia IV, 1957-1958 (olio-pintura mihise gainean)
- Erakusketa:
- Palazuelo. Lan prozesua
- Gaiak:
- Eragin artistikoa | Esperimentazio artistikoa | Kolorea | Lerroa | Marrazkigintza | Paris
- Mugimendu artistikoak:
- Arte Abstraktua
- Teknikak:
- Arkatz | Olio-pintura
- Artelan motak:
- Pintura
- Aipatutako artistak:
- Palazuelo, Pablo
Palazuelo-k obra-sorta bat sortu zuen Estudio handia izenburuarekin. Obra horiek egiteko baliabide desberdinak erabili zituen –paper gaineko marrazkia arkatzez, gouachea eta olio-pintura– eta hemen ikusi ahal izango dituzu. Sail honetatik lehena, arkatzez egindako paper gaineko marrazkia alegia, 1958an Parisko Maeght Galerian egin zuen bigarren bakarkako erakusketan aurkeztu zuen, besteak beste, dagoeneko ikusi izango zenituen Bakardadeak saileko beste birekin batera.
Marrazkiak garrantzi handia du Palazueloren lanean. Bere pinturak, baita bere eskulturak ere, marrazkiak baitira funtsean. Lerroak eta trazuak artistaren hizkuntzaren osagai dira, espresatzeko, komunikatzeko erabiltzen dituenak. Marrazki horietan geratzen da bilduta keinua, mezua eta obraren esentzia:
"Gizakiaren irudimena marrazkian azaltzen da; niretzat marrazkiak beti izan du garrantzi handia eta, izan ere, orain ados nago ‘marrazkiak pinturan duen garrantzi handia’ esan ohi zen horrekin... Nire iritziz, pintura eta marrazkia gauza bera dira, ez ordea Arte Ederretako irakasle zaharrek esan ohi zuten zentzuan, beste zentzu batean baizik: pinturaren muina da. Keinuzko pintura bera, koloretan blai dagoen brotxa batekin egina, brotxa lodi bat eta koloreak erabiliz egindako marrazkia da; eta grafitozko arkatz batekin egindako marrazkia bera ere, materiaz, argiez eta itzalez beteta dagoen marrazki bikaina izan daiteke”.
Hasierako urte haietatik jadanik, Estudio handia familian antzeman daitekeenez (Palazuelok bere obraren genealogiak aipatzeko erabili ohi duen hitza da familia), Palazuelok prozesu ireki eta moldakortzat hartzen du pintura, etengabeko ahaleginean eta esperimentazioan oinarritua:
“Luzea, motela eta nekeza izaten da puntuek, lerroek, azalerek eta koloreek ematen duten lana, akatsez, itsutasunez, zalantzez, larritasunez eta arriskuez betea, baina bestalde, lan horretan, bakea, oreka, atsegin handia, plazera eta askatasuna nabaritzen duzu, pintatzen duenaren sentimena eta naturarena bateratzen diren modua aditzera ematea baita kontua.”