Palazuelo. Lan prozesua
Monumentu baterako proiektua, 1977 (letoia nikel-bainuarekin)
Sylvarum / Varia I, 1986 (olio-pintura mihise gainean)
Iruzkinak
Tramankulua 2, 1989 (gouachea paper gainean)
- Izenburua:
- Tramankulua 2, 1989 (gouachea paper gainean)
- Erakusketa:
- Palazuelo. Lan prozesua
- Gaiak:
- Artea eta espazioa | Eragin artistikoa | Ibilbide artistikoa | Geometria | Kolorea | Lerroa | Marrazkigintza
- Mugimendu artistikoak:
- Arte Abstraktua
- Teknikak:
- Gouache
- Artelan motak:
- Pintura
- Aipatutako artistak:
- Palazuelo, Pablo
Paper gaineko gouache hau, Tramankulua 2, 1989koa da, eta bertan bi elementu borrokan ari direla dirudi: kolore monokromoaren eremu lau handia eta lerroa, sakontasuna aditzera emateko duen ahalmena defendatuz. Laurogeiko hamarkadan bere lanetan askoz ere nabariagoak ziren trazu garbiak eta akaberen zehaztasuna. Palazuelo-ren ibilbide pertsonal eta berezian, marrazkiaren indarra zen nagusi, berezko baliabide gisa ez ezik bere olio-pinturetan eta eskulturetan ere, espaziora eraman baitzuen marrazkia. Palazuelok marrazkiari zegokion “hierarkia” baztertu zuen, eta koadroei edo eskulturei amaierako obra gisa eman ohi zaien lehentasuna indargabetu zuen. Beretzat, bilaketa-lana da, berez, garrantzizkoa.
“Askatasun handiz lan egiten dut nire paperekin. Ia inoiz ez dut erabiltzen erregela. Batzuetan lerro bat marraztean okertu egin naizela uste dudanean bakarrik. Lerro zuzenak ere marrazten ditut, lerro askeagoak ongi antolatzen laguntzen didatelako. Baina ia inoiz ez dut erregela erabiltzen, lerro bat okertuta dagoenean eta zuzendu behar dudanean bakarrik. Normalean oso lerro zuzenak marrazten ditut eta nahiko segurtasun handiz gainera.
Marrazki hauetako batzuk koadro berri baten sorburua dira. […] koadroa inoiz ez da zehatz-mehatz marrazkia bezalakoa. Koadroarekin erlazioan, marrazkia hazia da, eta abiapuntu gisa edo zuzentzen duen prozesu gisa dihardu.”