Palazuelo. Lan prozesua
Sylvarum / Varia I, 1986 (olio-pintura mihise gainean)
Ametsena VII, 1998 (olio-pintura mihise gainean)
Iruzkinak
Zeharkakoa 2. zk., 1993 (arkatza paper gainean)
- Izenburua:
- Zeharkakoa 2. zk., 1993 (arkatza paper gainean)
- Erakusketa:
- Palazuelo. Lan prozesua
- Gaiak:
- Eragin artistikoa | Esperimentazio artistikoa | Erritmoa | Geometria | Mugimendua | Sinbologia | Marrazkigintza
- Mugimendu artistikoak:
- Arte Abstraktua
- Teknikak:
- Arkatz
- Artelan motak:
- Pintura
- Aipatutako artistak:
- Palazuelo, Pablo
Laurogeita hamarreko urteetan, Palazuelo-k marrazki-sorta zabala egin zuen, Zeharkakoa izenekoak. Paper gainean arkatzez egindako marrazkiak dira batik bat, “hutsune dekoratiboa” eta erritmo sen handia bereizgarritzat dituztenak. Marrazkiak hasierako kezkak mantentzen ditu, baina urrundu eta hoztu egin da nolabait. Esperimentatzen jarraitzen du, geometriaren, mugimenduaren, ordenaren bidez unibertsoa arakatzeko betiko ahalegin horrek bultzatuta, eta baita forma, energia eta materiari buruz duen ikuspegi bereziaren bidez ere. Hamarkada horretan, 1995ean zehazki, honela zioen:
“Geometria bizitzaren sorburuetan dago, ezagutzen dugun gauzarik asmamen handikoena eta amaigabeena. Beste egitura batzuek barnean dituzten egituren ikuspegia da, forma berriak potentzian ikustea, beste forma batzuk sortzeko ahalbideak ikustea, metamorfosiaren bidez forma batzuk bestelako forma bilakatzen ikustea, landare baten antzera hazten ari den zerbait ikustea. Lantzen ditudan forma geometrikoak ere metamorfosi-prozesu edo mugimendu bidez garatzen dira. Luze irauten duen prozesua da, eta horrexegatik esan daiteke forma horiek irekiak direla eta aurretik prestatuta daudela eraldatzeko. […]
Marrazten dudanean, mugimendu estrukturalak eta beste alterazio batzuk sortzen dira konposizioaren elkarren segidako konformazioak zabaldu ahala, eta uneoro mugitzen jarraitzeko ahalmena dute, osagai dituzten formen barne-koherentziaren arabera”