Eskuak adierazpide: Buhl Bildumako argazkiak
Alfred Stieglitz, Eskuak titarearekin (1920)
Iruzkinak
Sarrera
- Izenburua:
- Sarrera
- Erakusketa:
- Eskuak adierazpide: Buhl Bildumako argazkiak
- Gaiak:
- Eskuak | Argazkigintza | Bildumagintza | Artearen historia | Georgia O'Keeffe | Henry M. Buhl
- Artelan motak:
- Argazkia
- Aipatutako artistak:
- Stieglitz, Alfred
Erakusketa honetan, bilduma pribatu paregabe bateko argazki garrantzitsuak biltzen dira. Henry M. Buhl eskuen argazkien bilduma egiten hasi zen 1993an, eta gaur egun mila iruditik gora ditu. Horien sorta bat Manhattanen erdigunean duen etxean eta bulegoetan ikusgai dago.
Buhlek hainbat eta hainbat urtez finantza-analista gisa lan egin zuen New Yorkeko burtsan. Gero, 1973an, finantzen mundua alde batera utzi eta karrera berriari ekin zion, argazkilari profesional gisa. Buhlek, argazkilaritzan duen esperientziari esker, hurbiletik ezagutzen du biltzen dabilen materiala. Bere hitzetan: “Argazkilaria izanik, materiala hobeto ulertzen da, gehiago balioesten da”.
Baina irudi bakarra izan zen Buhl giza-eskuen gaira bultzatu zuena. Erakusketa honetan Alfred Stieglitz argazkilariaren argazki bat ageri da, Georgia O’Keeffe-ren esku dotoreak erakusten dituena. Irudi hori bildumaren oinarri bilakatu zen; aldi berean espezializatua baina guztiz askotarikoa den bilduma horren oinarri.
Eskuak adierazpide erakusketan, Buhlen bildumako 170 argazki daude, gaika eta historiaren arabera sailkatuta. Esan bezala, eskuen irudiok askotarikoak dira: batetik, barru‑barrukoena agertzen duten erretratuak, fetitxe ere bihurtu direnak; bestetik, prentsako argazkiak, politikariek jendaurrean egiten dituzten keinu erretorikoak agertzen dituztenak. XIX. mendeko aitzindarien lanak daude, bai eta XX. mendearen hasierako abangoardiako kiderik garrantzitsuenak eta lanean jarraitzen duten egungo artistarik liluragarrienenak ere.