Eskuak adierazpide: Buhl Bildumako argazkiak
Gabriel Orozco, Nire eskuak nire bihotza dira (1991)
Iruzkinak
Andreas Gursky, Maiatzaren lehena, II (1998)
- Izenburua:
- Andreas Gursky, Maiatzaren lehena, II (1998)
- Erakusketa:
- Eskuak adierazpide: Buhl Bildumako argazkiak
- Gaiak:
- Ikuskizunak | Eskuak | Sorkuntza artistikoa | Sinbologia | Düsseldorfeko Eskola | Jende-taldeak | Masa-kultura
- Artelan motak:
- Argazkia
- Aipatutako artistak:
- Gursky, Andreas
Andreas Gursky artista-argazkilariak ospakizun jendetsuak eta rave jaialdiak dokumentatzeko egindako serie batekoa da irudi handi hau. Hor bildutako jendetza zalapartatsuak, euforia kolektiboak indartuak eta izpi hori batek argituak, giza panorama dinamikoa eratzen du, oinarri politiko batekin, maiatzaren lehenaren ospakizuna baita.
Gursky oinarrizko pertsonaia da gaur egun, Düsseldorf-en kokaturiko belaunaldi berriaren barnean. Nazioartean 1980ko hamarkadan hasi zen ospea hartzen, eta eragin handia du gaur egun ere. Bere argazkiek ederki konbinatzen dituzte konparaketa aberatsak eta kolore saturatua, ikuskera zorrotzarekin, freskoarekin, objektiboarekin eta urrunarekin. Gurskyren gaiak, adibidez honako hau, politikaren, merkataritzaren eta aisialdiaren mundutik hartuak dira, baina erreportaje sinpletik haratago doaz. Izan ere, Gurskyren irudiek egungo bizitzaren eta kulturaren azpian dauden ordena eta kaosa miatzen dituzte. 1990eko hamarkadaz geroztik, askotan erabili ditu honelako gaiak: jendetza handiak eta mundu osoko inguruneak, hala nola burtsako salerosketako tokiak edota rock kontzertuko agertokiak. Behin eta berriz, masa-kulturak berezko duen desindibidualizazioa dugu aurrez aurre. Lan honetan, Maiatzaren lehena, II izeneko honetan, Gurskyren begirada jendetzari zuzentzen zaio: ez dugu kolektiboaren interesgunea ikusten, irudiaren eskuineko ertzetik at dagoen agertoki lausoa; hala ere, badirudi masak berak esku erraldoia eratzen duela, jendetzaren ahalmena iradokiz.