Eskuak adierazpide: Buhl Bildumako argazkiak
Eliott Erwitt, Nixon lehendakariordea eta Khruschev, Sobietar Batasuneko lehen ministroa, “sukaldeko eztabaida” egiten, Ameriketako Estatu Batuetako erakusketan, Moskun (1959)
Man Ray, Izpigrama, eskuarekin eta arrautzarekin (1922)
Iruzkinak
Argazkilari ezezaguna, IOOF Logia Handi Subiranoa (1890eko hamarkada)
- Izenburua:
- Argazkilari ezezaguna, IOOF Logia Handi Subiranoa (1890eko hamarkada)
- Erakusketa:
- Eskuak adierazpide: Buhl Bildumako argazkiak
- Gaiak:
- Eskuak | Giza harremanak | Komunikazioa | Keinu-komunikazioa
- Artelan motak:
- Argazkia
Eskuen keinuak azaltzen dituzten irudi hauek 1890eko hamarkadakoak dira. Logia Handi Subiranoa (IOOF ingelesezko sigletan) zeritzan anaiarteko elkarte batek bildu eta taxutu zituen, keinu bidezko hizkuntza berezi baten protokoloa jasotzearren. Elkartea 1843an sortu zen, kideak euren asaba britainiarrengandik aldendu zirenean. Bere aldi gorena 1910eko hamarkada izan bazen ere, egun, hura da, mazoien ondoren, kiderik gehien duen anaiarteko elkartea.
Hauxe da euren idealen funtsa: “Adiskidetasuna, maitasuna eta egia dira gizateria bere azken patura gidatuko dituen oinarriak”. Baina elkartea sekretuz beterik dago. Esku-keinuen eta agurren bidez komunikatzea oso kodetuta dagoen jokabidea da, eta jokabide hori ulertezina da elkartetik kanpokoentzat. Zeinu-sistema horretan gutxi batzuk baino ez dira onartzen, eta gainerako guztiak baztertu egiten dira.
Hemen ikusgai dauden irudiak keinuen bidezko komunikazioaren berri ematen zuen album batekoak dira, Album of Unwritten Work (Idatzi gabeko lanaren albuma) izenekoa. Album hori Logia Handi Subiranoaren bulegoetan egin zuten, hots, aipaturiko elkartearen egoitza nazionalean. Serie zenbakituan antolatuta, albumean iniziatuentzako keinuen sistema kodetua dago jasota. Eskuen bidezko ezkutuko sinbologia horrekin, gai dira norberaren kidetza, nortasuna eta elkarteko hierarkian dagokien postua adierazteko. Elkartetik kanpokoentzat ulertezinak badira ere, hizkuntza misteriotsu eta ezkutu horren keinuek oso irudi erakargarriak sortzen dituzte.