Eskuak adierazpide: Buhl Bildumako argazkiak
Bruce Nauman, Hologrametarako estudioak (a‑e) (1970)
Gregory Crewdson, Titulurik gabea (1995)
Iruzkinak
Paul McCarthy, Eskuineko eskua (Propo seriea), 2001
- Izenburua:
- Paul McCarthy, Eskuineko eskua (Propo seriea), 2001
- Erakusketa:
- Eskuak adierazpide: Buhl Bildumako argazkiak
- Gaiak:
- Giza gorputza | Eskuak | Artea eta emozioa | Ibilbide artistikoa | Sorkuntza artistikoa | Indarkeria
- Artelan motak:
- Argazkia
- Aipatutako artistak:
- McCarthy, Paul
Paul McCarthy-ren argazki makabro honek plastikozko esku soil bat erakusten digu, harategiko pieza balitz bezala zintzilik, hondo zeru urdinarekin. Irudi honek zitalkeria eta absurdoa uztartzen ditu; xelebrekeria handienetik seriotasun gordinenera doan lan zabalago baten parte da.
Objektua, erlikia baten moduan gordea, atrezzoko zenbait elementuren parte da. 1970eko eta 1980ko urteetan, McCarthyk antzezpenak egiten zituen jendaurrean, eta antzezpen horiek bideoaren edo argazkien bidez jasotzen zituen. 1983an, aitzitik, antzezteari utzi zion, eta bere osagai guztiak maletetan sartzen hasi zen. Horiekin, gero, eskultura handi bat egin zuen. Urte batzuen buruan, bere zuzeneko lanaren hondar hilak atera, eta argazkiak atera zizkien; horrela, Propo seriea delakoa sortu zuen. Objektu horien artean bazeuden, besteak beste, gomazko maskarak, maionesa-ontziak, ketchup-botilak, gorputz-atalak moztuta zituzten panpinak, jostailuak eta aiztoak. Horiekin batera zegoen argazki honetako esku soila.
McCarthy Los Angelesen bizi da, eta bere lana traumari aurre egiteko modua dela diosku. Eskua hain modu bortitzean eta hain ezustean agertzeak indarkeria iradokitzen du. Bai antzezpenetan bai eskulturetan, McCarthyk prozesu mingarri eta umiliagarrien mende jartzen du gorputza, benetako gorputza izan zein artifiziala izan. Pertsonaia lizunak sortzen ditu, sexuari eta moralari lotutako tabuak apurtzen ditu, eta sentimendurik preziatuenak gaiztotzen ditu. Irudi eta jokabide onargarrien mundu kontrolatua irauli, eta giza disfuntzioen antzezpen komikoa eta groteskoa sortzen du, ikuslearengan ezinegona sortzen duena.