Eskuak adierazpide: Buhl Bildumako argazkiak
Man Ray, Izpigrama, eskuarekin eta arrautzarekin (1922)
Bruce Nauman, Hologrametarako estudioak (a‑e) (1970)
Iruzkinak
Herbert Bayer, Metropolitar bakartia (1932)
- Izenburua:
- Herbert Bayer, Metropolitar bakartia (1932)
- Erakusketa:
- Eskuak adierazpide: Buhl Bildumako argazkiak
- Gaiak:
- Eskuak | Ibilbide artistikoa | Esperimentazio artistikoa | Erretratua eta autorretratua | Bauhaus Eskola | Malenkonia | Ametsak
- Mugimendu artistikoak:
- Surrealismoa
- Teknikak:
- Fotomuntaketa
- Artelan motak:
- Argazkia
- Aipatutako artistak:
- Bayer, Herbert
Esku-parea ageri da, airean zintzilik, atzealdean Berlingo auzo bateko eraikina duela. Eskuetan bi begi ageri dira. Horrela, eskuak gorputzik gabeko aurpegi zatitu bilakatu dira. Lanaren izenburua, Metropoliar bakartia, oso malenkoniatsua da. Argazkia sortu zuen artistaren beraren, hau da, Herbert Bayer-en autorretratu gisa interpreta daiteke. Bai eskuak bai begiak bereak dira. Irudi hau Bayerrek 1930eko hamarkadan egin zituen irudietatik ezagunena da.
Bayer Alemaniako Bauhaus eskolako buruetako bat izan zen 1920ko hamarkadan. Han ikasi eta irakatsi zuen, eta berrikuntza handiak sartu zituen tipografia funtzionalaren eta diseinu grafikoaren arloetan. 1928. urtean eskola utzi zuen, eta irudiak fotomuntaien bidez konbinatzeak eskaintzen zituen aukera paregabeak aztertzeari lotu zitzaion. Emaitza, beraz, hainbat elementu uztartzea izan zen: psikologiari lotutakoak, amets-egoerak iradokitzen zituztenak, eta, batzuetan, oso pertsonalak zirenak ere bai. Irudi hau Bayerren Amets-muntaiak delako seriearen barruan dago. Bayer ez zen artista surrealista; hala ere, bere lanek, irudi hau barne, Surrealismoaren hainbat ezaugarri dituzte agerian: mugimenduaren ikus-mintzaira; espero ez diren elkartzeak eta konbinazioak; eta enigmari atxikitzea, besteak beste.