Kandinsky
Sarrera
Mendi urdina (Der blaue Berg), 1908–1909
Iruzkinak
Bi txori (Zwei Vögel), 1907
- Izenburua:
- Bi txori (Zwei Vögel), 1907
- Erakusketa:
- Kandinsky
- Gaiak:
- Folklorea | Arte errusiarra | Eragin artistikoa | Ibilbide artistikoa | Sorkuntza artistikoa | Errusia | Mosku | Claude Monet | Rembrandt | Sinestesia | Herri-kultura
- Mugimendu artistikoak:
- Arte Abstraktua | Arte Garaikidea | Espresionismoa
- Teknikak:
- Grabatua | Xilografia
- Aipatutako artistak:
- Kandinsky, Vasily
Xilografia, irudia: 13,6 x 14,4 cm; irudi-orria: 15,7 x 15,3 cm
The Hilla von Rebay Foundation, Solomon R. Guggenheim Museumentzako epe luzerako mailegua, New York, 1970.1412
Vasily Kandinsky Moskun jaio zen 1866an, eta gaztaroa Odesan eman zuen; han egin zituen arte-ikasketak. Zuzenbidea ikasi zuen Moskuko Unibertsitatean, eta lizentziatu ondoren irakasle aritu zen bertan, baina beti eragin zioten interes handia bai sinbolismoak, bai koloreak nahiz soinuak emozioekin duten loturak.
1889an, Errusia ipar-mendebaldeko Vologda eskualdera eginiko espedizio etnografiko batean, Kandinsky hunkitu egin zen hango herrietan aurkitu zituen arte herrikoia eta etxeetako barne-apainketak ikusita. Geroago, zirrara eragin zion Hermitage museoan Rembrandten koadroak ikusteak, baita Frantziako inpresionismoari buruzko erakusketa batean Moneten gari-meta margoak ezagutzeak ere. 1896an, 29 urte zituela, zuzenbideko irakasle izateari utzi zion, eta arte-ikasketak egitera joan zen Moskutik Munichera. Han abangoardiako artista-talde batekin elkartu zen; garai hartan nagusi zen espresionismoaren eraginez, talde hartako kideek pintura akademiko tradizionala auzitan jartzen zuten.
1907an, grabatu original batzuk egin zituen Kandinskyk zur gainean, errusiar era tradizionalean jantzitako emakumeak protagonista zirela, fantasiazko ikonografia erromantikoak zehaztutako basoetan dantzan. Hurrengo urratsean, abstrakziorantz jo zuen Kandinskyk. Ezagutu zitezkeen gaietatik aldendu zen; Bi txori obra honetan ikus daiteke hori, irudiak eta elementu naturalak desmaterializatzen hasi baitzen, elementu funtsezkoenak soilik deszifratzen uzten duten apaintze-patroiak erabilita.